天然豚骨拉麵專門店一蘭

营业中

休息中

呢間一蘭位置算有少少偏，第一次黎應該要跟實gps先搵到，佢係k11既附近，尖沙咀N5出口行5分鐘就會搵到。入到去係要落地下，環境有啲似大排檔既風格。佢得一款既拉麵比你揀，但湯底既配料就任你自己選擇濃淡，我就揀晒普通。碗麵連加一接近$100，但係就連蛋都無，要額外加錢，對比起香港一般既拉麵店，叫價係有啲進取，而且叉燒都好細塊，得兩塊再加啲蔥。唔講價錢，湯係好夠熱，味道都唔錯，唔會好滯，配埋佢個辣汁，辣辣地甜甜甜地係幾夾個豬骨湯，我個人認為個辣汁係必須要加，佢對個麵影響好大，成個味突出左好多，算係幾好食。但都係果句，成$100一碗麵仲要無乜配料，其實真係唔抵食，未食過既可以試下，但經常黎覆桌就應該唔會。