影片
更多
2020-06-26
1108 浏览
#肥doi遊柯士甸.前幾日去咗圓方同朋友試咗呢間新開嘅越南菜，試左佢地既Lunch Set，順便慶祝生日！Lunch Set包左一個小食、一個主食、一杯飲品。.餐包嘅小食份量比我預期中既多，我哋叫咗雞翼同沙律，以為一人份量嘅Lunch Set，雞翼只有兩隻同細細份嘅沙律，但出到嚟個份量都幾多，如果兩個人食可以交換同share！小食係咁多樣嘢食之中比較好食，味道係比較濃郁，雞翼炸得幾脆幾香口，沙律有越南嘅風味！主食方面，我哋叫咗一個豬扒撈檬同一個蕃茄湯麵。豬扒撈檬唔算太特別，即使加埋撈檬嘅醬汁，成個撈檬都係好似無乜味咁。蕃茄湯麵，湯底冇乜蕃茄湯味，相對比較普通。我哋亦係主Menu叫咗一個小食黎試，軟殼蟹米紙卷，同出面嘅越南菜米紙卷差唔多，特別再有少少芒果醬起中間夾住，食落去有啲怪同唔係幾夾，而且同啲主食一樣，味道偏淡。總括來說，食物嘅賣相幾好，但係味道偏淡，唔係幾啱重口味嘅人士。舖頭嘅環境都唔錯，啲Staff都好nice，成個感覺都休閑，同朋友傾下計或者嚟打下卡影相都唔錯，今次我地係慶生，因為同朋友喺舖頭入面切蛋糕，需要收取100蚊切餅費，如果都想同朋友嚟慶祝生日就要留意啦～
.
前幾日去咗圓方同朋友試咗呢間新開嘅越南菜，試左佢地既Lunch Set，順便慶祝生日！
Lunch Set包左一個小食、一個主食、一杯飲品。
.
餐包嘅小食份量比我預期中既多，我哋叫咗雞翼同沙律，以為一人份量嘅Lunch Set，雞翼只有兩隻同細細份嘅沙律，但出到嚟個份量都幾多，如果兩個人食可以交換同share！小食係咁多樣嘢食之中比較好食，味道係比較濃郁，雞翼炸得幾脆幾香口，沙律有越南嘅風味！
主食方面，我哋叫咗一個豬扒撈檬同一個蕃茄湯麵。豬扒撈檬唔算太特別，即使加埋撈檬嘅醬汁，成個撈檬都係好似無乜味咁。蕃茄湯麵，湯底冇乜蕃茄湯味，相對比較普通。
我哋亦係主Menu叫咗一個小食黎試，軟殼蟹米紙卷，同出面嘅越南菜米紙卷差唔多，特別再有少少芒果醬起中間夾住，食落去有啲怪同唔係幾夾，而且同啲主食一樣，味道偏淡。
總括來說，食物嘅賣相幾好，但係味道偏淡，唔係幾啱重口味嘅人士。舖頭嘅環境都唔錯，啲Staff都好nice，成個感覺都休閑，同朋友傾下計或者嚟打下卡影相都唔錯，今次我地係慶生，因為同朋友喺舖頭入面切蛋糕，需要收取100蚊切餅費，如果都想同朋友嚟慶祝生日就要留意啦～
张贴
