捌壹壹 (奶路臣街)

营业中

休息中

星期四晏晝同女朋友上網搵咗一間喺旺角食酸菜魚做晚餐，咁就去試吓。大約晏晝5點去到，唔使等位就可以即刻入座。佢嘅招牌菜係冷鍋酸菜魚，因為女朋友唔食得辣，所以叫咗個走辣嘅冷鍋酸菜魚。除咗冷鍋酸菜魚之外仲叫咗一份炸墨魚丸，一份青瓜，一份黑糖糍粑同埋兩杯沙冰。可能因為人少嘅關係，上菜速度都幾快。店員都幾有禮貌。至於食物方面，酸菜魚味道唔錯，魚肉份量都多，價錢都合理。配菜方面都好足料，仲有唔少嘅闊薯粉。不過唯一美中不足嘅係，雖然我叫咗走辣，但係佢個冷鍋酸菜魚就落咗好多胡椒粉，搞到食起上嚟有好強烈嘅胡椒粉辣味，變咗唔係走辣嘅感覺，雖然唔太影響到本身酸菜魚嘅味道，但係就影響咗走辣嘅體驗。至於小食方面，味道就冇咩特別，份量都頗多。但係沙冰就好失望，杯蜜桃沙冰同埋提子沙冰完全冇味，淡到好似水咁。所以唔太建議飲沙冰，飲其他可能會比較好。