阿詩瑪壹菌 (已結業)

放飯時間正值下午茶，唔知有咩好食就跟左同事黎食呢間。入到去唔多人同都坐得幾舒服。我叫左個鮮肉白菜餃米線，係下午茶餐，餃子有四粒，都算幾大粒，入面的白菜都頗為鮮甜，撈少少肉都唔錯，不過咸少少會較好。皮唔算厚都可以接受。個米線就煮得耐左少少，太稔唔好食，不過分量都幾多，一個男仔應該有七分飽。飲品飲左菊花蜜，菊花味幾濃，好清香，飲完令個口都幾清新，解油膩。唔錯。店員服務態度都唔錯好有禮貌。下次可以試下湯飯，食左同事一啖都幾好食同幾大碗。