Lemongrass (已結業)

朋友生日飯想試食Lemongrass，因為食物種類多，今次終於唔駛Ｒ爆頭喇，大家打開餐牌後搶住叫，我寫order都寫唔切。地方大坐得唔迫，服務超殷勤，上菜快，唯一覺得餸菜份量比較少。生蝦刺身~ 只得6-7隻，但蝦好新鮮彈牙，醬汁又調較得唔錯冬蔭功湯 ~ 好正宗，真係飲到好多香料味，有１隻蝦，辣度適中，值得推介泰式鐵板一口牛 ~ 一上枱就嗅到好鐵板，牛有口感有肉味，生熟程度啱啱好，值得推介牛油雞翼 x 2客 ~ 牛油味差少少，但炸得好香口好熱辣辣蒜蓉炒通菜~ 我覺得可以再多d蒜蓉，但味道都唔錯炭燒豬頸肉 ~ 燒得好香口好嫩，上枱仲熱辣辣，咬落唔乾有肉汁咖喱炒蟹 ~ 我覺得個汁偏甜，唔夠咖喱味，蟹肉唔夠彈，雖然有半價，但不試也罷泰式鐵板蠔燒 ~ 蠔唔夠大粒無口感，蔥唔夠香，鐵板唔夠熱，可以不試軟殼蟹撈檸粉 ~ 蟹比較細隻無肉感，青瓜又切得太大條，無食評可言鹽燒鱸魚 ~ 我魚一向麻麻，但朋友覺得好好味，無腥味夠熱，整條魚清晒白汁煙肉磨菇意粉 ~ 足料都炒得ok，起碼意粉炒得乾身爽口馬來鬆餅 x 2客 ~ 唔熱無口感，好似雪藏貨蒜蓉包 x 2客 ~ 印度蒜蓉包無蒜蓉味，朋友仲話食到苦味士多啤梨