Lemongrass (已結業)

係weekday同朋友係銅鑼灣食午餐佢推介左呢一間Lemongrass咁我本身好鐘意食泰國菜就同意左一試一向都知道係銅鑼灣食野係偏貴所以個陣見到餐牌接近八十港紙一個飯都覺得接受到（仲要係Hysan Place食！）我打算隱陣啲叫個泰式餐廳一定唔會煮得唔好食既泰式肉碎飯跟蛋一上枱 睇起上黎都幾正常 蛋煎得幾靚啲肉碎有辣椒跟點知啲肉碎係冇辣味我估佢應該係用茄汁個類甜既醬去炒最後放返一兩舊辣椒係隔離令個泰式肉碎完全唔似泰式肉碎而個蛋反而幾好食因為有個一隻煎蛋伴碟我呢個完全唔鐘意食茄汁既人先食得完碟飯用呢個價錢食呢個質素既泰國菜真係十分唔抵唔會再黎

Terrible experience for weekday lunch. staff were incompetent. We ordered at 1 and after waiting for 30 minutes the waitress comes and tells us it's going to take a long time, another 30 mins. they were asking 1 hour total after waiting for 30 minutes to serve lunch.would highly recommend eating somewhere else

同舊同事食飯~原先想食日本野......但真係要等太耐啦唯有轉場食泰菜，好彩野食都好好味,唔係由日本野轉食泰國野，落差都幾大,哈哈等左20分鐘左右，入場啦一坐底就立即叫野食臘腸椰菜仔，必點,好好味呀串燒牛肉青咖哩雞, 個汁好味但D雞有D雪味，可惜..phat thai 又係必點,好味道仲有蝦餅最後上埋椰皇KEKEKEKEK最後三個人捧住個大肚腩走

先前有朋友介紹去Lemongrass 食喇沙，今日來了銅鑼灣購物，便想起了來試試。原來這裡午餐是有set 食的，每個套餐包沙律、主菜、飲品及甜品，我order 了L1，Mee 喇沙，食材很足料，微辣，蝦及蜆很鮮味，沙律中規中矩，凍泰式奶茶茶味濃，甜品也不錯。埋單$78+10%，不貴，下次會再來幫親

味道普通，員工態度非常不良好，應付不到，不要開係銅鑼灣旺區🤨已經有加一服務費，不一定要給小費。😣奉勸仍想一試的朋友勿選繁忙時段，因出食物速度非常慢，等一客咖哩牛腩需時半小時，如非常肚餓亦無需擔心，因會先上飯或鬆餅給你，但咖哩半小時後才出現。其間有叫員工幫忙催一下單，但員工只叫我們耐心等候，並沒有亦無意跟進，原本熱哄哄的油酥餅最後由於咖哩牛腩來得太遲而變硬，平時我很少寫食評，但這間食物平平但員態度十分令人失望，尤其男店長。

四月時吃的一人龍蝦套餐，有完整一隻波士頓龍蝦，味道鮮甜，肉質彈牙，冬蔭公湯香酸惹味，料也很多，草菇、蕃茄很多。雖然附送的薄餅有點油膩，但香脆的酥皮沾冬蔭公湯吃的味道不錯。$98有這麼多食物，飽肚，很抵吃。只是在剝龍蝦殼時有點狼狽，因為沒有提供鐵鉗，廚房在兩隻龍蝦鉗上鑿開的裂紋又不夠多，有點難剝。不知現在還有沒有這個優惠，下次可以試吃其他菜式。服務很好，常來斟水，見我剝了整碟蝦殼，主動來幫我換碟，也主動提供紙巾、濕紙巾讓我抹手。印象很好。

放工後相約同事們係港島食晚飯,揀黎揀去都搵唔到心水,其實丟地要求好簡單: 1. 唔限時可以傾計傾一晚 2. 地方夠大,坐我舒適 3. 食物種類多最後有朋友推介左呢間泰國菜,便去試一試一坐低,侍應已經即時斟水同遞上餐牌,服務非常好泰國菜殷講呢到食物種類都算多,我地一行5人叫左5樣野,有豬手,燒雞,炒飯,炒河,龍蝦冬陰公豬手同D炒飯,炒河都好好食,係個龍蝦比較失免埋單每人大約$270,但都坐左一晚,侍應仲幫我地斟左好多次水!

係hysan有好多野食，見到呢間唔差就去食。首先要book位，但係坐出面感覺好暗，又好嘈,覺得好似去左茶餐廳。6點左右係冇咩人既，咁岩餐廳係lift附近，所以人流都幾多。我坐左係到..好似係條街到咁。menu幾多野食，冇影到。朋友點左冬蔭公湯，得個酸字,料係幾足既，但係唔推介。有好大隻蝦，都吸晒d酸，唔係好食到蝦味。反而個薄餅幾好食，又平平地。串燒有ｄ硬，有雞，豬，牛，都唔太抵食。汁又唔算多。沙律幾大碟，豬頸肉反而幾好食,可能淨叫一碟豬頸肉會好食ｄ。overall 坐得唔係太舒服,好暗又嘈，可能坐入面會好d。

希慎有不少餐廳，但人流不算多，容易找位置吃飯。安排了卡位，坐位舒適。點了雞春雞配青咖哩，可選配白飯或油酥餅，可惜當天油酥餅無貨。飲品方面升級之選，紫米豆漿。春雞嫩滑，青咖哩香甜，如果能配上油酥餅應該很配合，吃了半隻春雞，只能吃下幾啖白飯，已經很飽了。紫米豆漿中的紫米較硬而且一舊舊的，泰國豆漿味道不錯，但其樽身有污垢，直接放了入飲品中，不太衛生。另外還加配了泰式鳳爪，味道一般，很多醬料的。蝦餅是正正常常。炸雞軟骨，炸得又乾又黑。

服務非常好。味道可以。但芒果糯米啲米煮太熟，太黏。通心菜炒得很好很好味道。龍蝦好食好好味。去骨海南雞都唔錯。食得開心。不過在商場內就早了一點關門。飲料有很多選擇，凍檸茶好飲。價格都合理，因為在大商場內。

今時今日响市區要搵間唔限時90分鐘交枱嘅餐廳，真係一啲都唔容易，我返工已經得60分鐘食lunch，放工都係多30分鐘，做人唔洗咁苦掛～～加上同三五知己，點會係為咗食而食呢⋯⋯香港人，放鬆啲啦！終於，竟然响銅鑼灣搵到呢間招呼同服務都一流嘅新派泰菜，walk in 有位！正👍🏻豬手份量都幾多，個人喜歡呢種皮好厚好重膠質但朋友嫌唔夠脆口，因口味唔同，我就覺得好好食沙律係普通泰式嘅青木瓜絲，但個豬頸肉好爽口，加埋個汁，好惹味，份量都唔少响食肉獸朋友下唯一叫嘅菜⋯⋯其實我覺得味道好好，只係太多油因為太多嘢食，菠蘿炒飯被比下去，但真心覺得剛上枱時係超級香，只係我地眼濶肚窄，食嘅時候已經冇哂感覺，我只可以話，配料非常新鮮軟殻蟹好香口，唔似一般餐廳嘅死咸，加埋三色椒牛油果等等，我個人係好鐘意食米紙卷，我食得出佢塊米紙好煙韌，唔係平時食果啲又厚又淋嘅質數，好出色鳳爪size啱啱好係一口size，成件放入口食，食到停唔到口，味道適中，兩個人食剛剛好我好少飲酒，但呢個雞尾酒好好好好好飲，其實睇drink list已經覺得超多選擇，最後不負眾望，我呢杯菠椰真係好好味，當然係喜歡椰子味嘅人先啱飲啦！

相信唔少人去旅行都鐘意去泰國我唔單止鐘意泰國購物 水上活動仲好鐘意食泰國野禮拜五去希慎食飯由於實在太肚餓 我地得一個目標就係唔使等位見工呢間唔使等 但入面都好多人就入左去喇我地叫三樣野食朋友本身仲想叫多樣好彩俾我阻止左 因為最後係食唔哂既首先食左小食拼盤先入面有四樣野蝦餅 春卷 鳳爪 同豬頸肉用下午茶架上 完全係IG打卡之作最鐘意蝦餅 炸得夠脆唔厚粉唔油而蝦膠好飽滿 夠彈牙之後仲嗌咗原隻龍蝦 我哋揀咗冬陰功湯 配白飯黎到份量都好夠 一大碗 估唔到龍蝦鉗都幾大一人一隻好滿足 啲龍蝦肉係好有彈性嘅都幾好味 湯底都好正做緊半價98蚊一定要試!!食完頭先果兩樣已經飽左一半另外叫左蟹粉絲煲份量黎到真係嚇親超 級 多 粉絲隻蟹都好大隻但肉質就無話好好唔係好彈牙 但有鮮味粉絲好出色 夠乾身入味個底有大量蔥同蒜頭 好香呢餐真係飽到上心口最後要打包一盒粉絲走值得一提服務都好好職員手腳快 反應快 有體貌

前排去左希慎食泰國野 咁岩做緊優惠其實之前都去過一次覺得ok 就再食今次叫左生蝦刺身不過就麻麻地 唔算好新鮮泰式粉絲大肉蟹煲 好大隻蟹 蟹肉好有鮮味 但啲膏好苦破壞左 我地問經理點解會咁苦佢就話肉蟹啲膏係苦的 然後就送左個薄餅比我地我地見其實啲肉都有鮮味又啖啖肉 就無再考究粉絲勁多 撈汁食好正 但食到尾有啲鹹食完已經好飽 再加上薄餅點個汁都唔錯但食泰國野點都要食芒果糯米飯芒果不當造季節 比較酸 黑白糯米配上椰汁好食 又唔會好濕好黏店員服務都好周到好熱情 感覺幾好

要在希慎廣場找泰國菜吃的話，能想到的就只有這家喔！因為和3位友人一起來～那就可以點不同款的菜式來吃吃看。其中有興趣想點的是那個“鋼管燒雞”！先點一些比較開胃的菜式 - 青木瓜沙律配炭燒豬頸肉 ($118)原以為會頗酸的？！不過個人來說還是喜歡飾酸的！豬頸肉的味道剛剛好，吃落不會很鹹～而且肉很嫩口喔馬拉盞通菜 ($96) 除了通菜還有其他的菜可以選擇。整體不夠惹味～通菜的口感仍算爽嫩蒜蓉烤包 ($50) - 有問過店員這個是不是那種多士類的，說是不同便有興趣。來到發現是像烤薄餅類的～面層的蒜吃落有點辣！菠蘿炒飯 ($138) - 炒飯是放在挖空了的菠蘿殼中。貌相看起來很不錯～但當我們一開動時就覺得很麻煩了 ... 飯都跌到桌子上Orz炒飯中還有少量海鮮 ... 飯也不會太乾或是太油原隻芭堤雅鋼管燒雞 ($188)朋友說之前吃過是真的穿在鋼管中送上桌的 ... 但我們這個已經“碎上”薄薄的雞皮很脆身，雞肉亦很嫩口。本來已經很夠味，但想味道再豐富點可以沾酸辣醬來吃。飲品～我選的是 - 木瓜乳酸 ($58)就木瓜的味道較為淡身點，然後像飲益力多那樣子吧！朋友們則點了 - 泰式奶茶 ($36)

這裡的食物無論在賣相及製作上是一流的製作，價廉物美，營養豐富，所選擇的食物之食材料十分豐富及名貴而且又十分之新鮮及可口，並且達到了美米連的水準，是一間值得推介的餐廳。