一入到餐廳，裝修感覺真的很美式快餐風格，加上播放著英文歌，餓了兩年的旅行癮，突然感覺猶如置身外地，一解旅行相思之苦🤭
點了兩個套餐，經典之堡配細沙律、汽水及美式之堡配芝士肉醬薯條、伯爵茶，再加多個洋蔥圈。
😛其實食完個漢堡包已經飽左8成，食之前朋友話，觀塘區食個漢堡包要$60幾，會唔會貴左d，但食完個包都話其實幾抵食。
兩個漢堡包最大分別係個醬汁，經典之堡用餐廳自家特製Moo Moo汁，而美式之堡就多左件煙肉，同埋用左BBQ汁。兩者各有特色，個人覺得如果喜歡較濃味，美式之堡會較啱口味。煙肉片味道不會太鹹，配上手打的漢堡扒使牛肉味更突出。
餐廳的漢堡扒主打係手打新鮮穀飼牛，食落都幾有牛味、口感很好、肉唔鞋，仲有少少肉汁滲出嚟。
最讚係果片點綴嘅生菜，餐廳唔會因為生菜只係配料而忽略，單係外觀已經睇得出很新鮮，食落真係好鮮甜。
沙律、薯條、洋蔥圈味道都唔錯，尤其係洋蔥圈，洋蔥咬落係已經完全焦糖化，甜味非常特出。
可惜今日天陰有雨，如果唔係，可以坐室外，嘆住薯條，飲埋啤酒，感覺應該仲更加正。
