Dandy's Organic Cafe (已搬遷) 新店位置

今日經過上環，諗住食得健康啲，隨便搵到一間話organic餐廳，諗住即管一試啦！我哋去到都滿座，個waiter叔叔又好熱情咁招呼我哋响門口坐下，話要十分鐘左右，見周圍都咁多人，於是都決定一試！除左有個lunch special 之外，Menu上面其實都好多選擇，花多眼亂，最後我哋揀咗一個海鱸魚香草醬意粉，同埋大元貝茄汁糙米飯。再加多杯佢哋推介嘅果汁特飲，又見到佢哋竟然有無咖啡因嘅Latte with black sesame，恨飲咗咖啡好耐嘅我當然二話不說，即刻叫來一試啦！先來一個大元貝番茄醬糙米飯。元貝煎到金黃色，賣相非常吸引，咬落剛剛熟，而且好新鮮。加上糙米飯嘅調味剛剛好，仲夾雜五色蔬菜同芝士，口感豐富冇得輸！再嚟海鱸魚香草意粉，海鱸魚同樣煎得好脆口，值得一讚。香草意粉味道唔會過濃，加入少許果仁，整體感覺更加香口！最後嚟一杯咖啡作完滿總結！雖然係無咖啡因嘅但係質感一啲都唔輸蝕，豐盈嘅奶泡加上點點黑芝麻香，令人回味無窮😋雖然呢度價錢一啲都唔平，但係水準不俗，健康有質素嘅美食，加上服務不俗，值得一試！