味吉長龍

营业中

休息中

假期約朋友一齊來到尖沙咀行街睇戲， 重點尖沙咀咁多好嘢食， 睇戲之前一定要 醫飽肚仔。 我們經常和朋友幫襯的石亭居酒屋～沃川居酒屋～店主新開了拉麵店， 真係要捧場， 佢哋咁有經驗， 拉麵一定製作認真。來到拉麵店搶眼嘅紅色 店面 ，充滿日式風味 ， 拉麵主打清湯路線，海鹽､醬油､味噌， 望著餐牌都覺得很吸引。 重點係假期都有套餐， 真係好驚喜， 而且有好多款唔同嘅日本樽裝汽水， 啱曬心水。辛辣香肉慢煮叉燒 濃清湯拉麵，特盛慢煮叉燒 濃清湯拉麵。 兩款都是叉燒拉麵， 肉量震撼, 叉燒煮得又淋又嫩滑， 拉麵煙煙韌韌, 溏心蛋滑捋捋， 加埋筍乾 炸牛蒡 真係好豐富。自家製魷魚豚肉餃子(5隻) ，第一次食到餃子餡料有魷魚粒， 真係好鮮味，餃子皮薄餡靚有彈性,煙煙韌韌｡餡料嘅魷魚彈牙有咬口,有海鮮味道。南蠻炸雞， 金黃香脆 雞肉嫩滑多汁， 加埋沙律醬真係好好味。只係加十蚊就有日本汽水 ，價格真係令人心動 。富士柚子汽水， 酸酸甜甜 充滿柚子味道 ，夠曬冰凍夠曬爽。靜岡綠茶可樂， 淡淡的綠茶味很清新。