影片
更多
2021-10-16
105 浏览
約左個好姊妹嚟銅鑼灣食晏，大家都想搵個地方可以坐得舒服啲傾下偈。瀏覽網評發現登龍街永光中心開左間環境唔錯嘅日式西餐廳，提議上去試下。餐廳裝潢型格，以一室灰色為主調，配上水泥牆身，沉穩得來又不失高雅。據知店名「Memoir」係源自法語「mémoire」及拉丁語「memoria」，意指記憶或回想。原來餐廳周末都有午市套餐供應，定價由 $98 - $188 不等，包餐湯或沙律、主菜及飲品。餐飲可選啡、茶、果汁或汽水，亦可以正價點選其他飲料如 Mocktail 等。是日精選餐湯為南瓜湯，湯身熱辣辣，南瓜味好香濃，入口甘甜幼滑。雜菜沙律新鮮爽脆，配上了胡麻醬，很醒胃。兩款主菜接著送上，先嚐和風牛肉漢堡配薯條 ($158)，漢堡扒唔算好厚身，不過肉質真係唔錯，鬆化得嚟又有肉味，配埋軟熟嘅麵包、芝士、青瓜同紫菜絲吃，口感好豐富。鋪喺包底嘅洋蔥亦值得一讚，食落超香甜，有中和肉膩的效果。薯條量多，加上即叫即炸，外層灑上了紫菜粉，入口脆卜卜，食到粉糯薯仔香，惹味非常。至於另一款主菜澳洲羊架配薯條 ($188) 亦非常精采，食鹹水草大的澳洲羊烤至外皮金黃，內裡粉嫩，入口肉味濃郁又富肉汁，足見大廚在火候和時間
約左個好姊妹嚟銅鑼灣食晏，大家都想搵個地方可以坐得舒服啲傾下偈。瀏覽網評發現登龍街永光中心開左間環境唔錯嘅日式西餐廳，提議上去試下。
餐廳裝潢型格，以一室灰色為主調，配上水泥牆身，沉穩得來又不失高雅。據知店名「Memoir」係源自法語「mémoire」及拉丁語「memoria」，意指記憶或回想。
原來餐廳周末都有午市套餐供應，定價由 $98 - $188 不等，包餐湯或沙律、主菜及飲品。餐飲可選啡、茶、果汁或汽水，亦可以正價點選其他飲料如 Mocktail 等。
是日精選餐湯為南瓜湯，湯身熱辣辣，南瓜味好香濃，入口甘甜幼滑。雜菜沙律新鮮爽脆，配上了胡麻醬，很醒胃。
兩款主菜接著送上，先嚐和風牛肉漢堡配薯條 ($158)，漢堡扒唔算好厚身，不過肉質真係唔錯，鬆化得嚟又有肉味，配埋軟熟嘅麵包、芝士、青瓜同紫菜絲吃，口感好豐富。
鋪喺包底嘅洋蔥亦值得一讚，食落超香甜，有中和肉膩的效果。薯條量多，加上即叫即炸，外層灑上了紫菜粉，入口脆卜卜，食到粉糯薯仔香，惹味非常。
至於另一款主菜澳洲羊架配薯條 ($188) 亦非常精采，食鹹水草大的澳洲羊烤至外皮金黃，內裡粉嫩，入口肉味濃郁又富肉汁，足見大廚在火候和時間上都拿揑得恰到好處，配自家調製嘅燒汁吃，超正！
跟餐 +$22 可以配一款甜品，有意式奶凍及日式抹茶雪糕可供選擇。揀左 Panna Cotta，質感真係唔錯，入口微甜綿滑，配上酸莓醬，一醇一酸的味道有著強烈對比。
飲品點左凍咖啡 (跟餐) 同 Pineapple Fizz ($38)，前者香醇不苦澀、而後者就帶菠蘿甜香，為是日愜意的午餐作完美收結。
张贴
