影片
更多
2007-12-10
22 浏览
以前喺Toronto 經常去downtown 嘅Danny's 食All-Day-Breakfast.... 尤其係每年Christmas Day 嘅brunch. 每每因為"平安夜"狂歡到深宵才回家，第二天瞓到十一點幾先識起身，跟住例必同啲老友去Danny's 集合食悠閒"早餐"，再計劃假期嘅行程。番到嚟香港唔係好多地方有All-Day-Breakfast 食，一到放假始終有點失落......最近喺Open Rice 見到有呢間365x7x24嘅地方，淨係個Egg Benedict 已經好吸引，再加上Bottomless coffee... 嘩! 啱晒我吧啲咖啡精。所以昨天(Sunday)中午捉埋女友一齊去試試.....地方不算大，枱也有點擠迫，不過好在唔係好多人。兩個人叫咗Egg Benedict 同British Fly Up。Egg Benedict 非常好味! 兩隻poached eggs 做得剛剛好，一刀切落啲疍漿流晒出嚟。加上好正宗嘅Hollandish sauce，一句講晒...... 正!!!! 女友個British Fly Up 有bacon, black pud
最近喺Open Rice 見到有呢間365x7x24嘅地方，淨係個Egg Benedict 已經好吸引，再加上Bottomless coffee... 嘩! 啱晒我吧啲咖啡精。所以昨天(Sunday)中午捉埋女友一齊去試試.....
地方不算大，枱也有點擠迫，不過好在唔係好多人。兩個人叫咗Egg Benedict 同British Fly Up。Egg Benedict 非常好味! 兩隻poached eggs 做得剛剛好，一刀切落啲疍漿流晒出嚟。加上好正宗嘅Hollandish sauce，一句講晒...... 正!!!! 女友個British Fly Up 有bacon, black pudding, fried potatoe, 番茄, 同toast. 個black pudding 唔係好多度有得食，但呢樣嘢又係真正識食嘅人先識欣賞。佢係用豬血+麵粉+Guiness dark beer+香科用做sausage嘅方式製做，係好地度嘅英式食品(有啲似中國人嘅膶腸)。我同女友都勁鍾意，後面嗰枱四個外籍男女都係叫呢個。
個Bottomless Coffee $30大大煲，雖然係好普通嘅diner's coffee，不過勝在唔似茶餐廳啲咖啡咁又酸又苦，而且我飲咗三杯都重有。平均都係$10杯，抵飲過茶餐廳好多啦!!!!
兩個早餐都好大，食到好飽，跟住同女友拖手仔行Soho消化部份卡路里，不失為周日好節目。
下次再試正宗(無花生醬)嘅french toast.....
张贴