首首.韓式小館 (已結業)

周年紀念日嚟咗利東街呢個咁有浪漫氣氛嘅地方，揀咗一間韓國餐廳，有酒飲，不過我哋就唔飲酒既～原來八點前都有happy hour，點嘅酒精飲品就會平少少。環境幾靚，大約有四成都係外國遊客，地點係利東街所以定價偏高。咁重要嘅日子當然要寫低紀念一下，食品方面我就寫埋編號，如果有興趣點嘅話就可以用易啲跟。前菜- 超好味泡菜，必吃！3002韓國米酒進口鮮活藍青口＄168藍青口裏面有啲就橙色嘅，有啲就有少少肉食咁，最重要係米酒其實酒精濃度不高，但係加埋青口就好香，仲有少少甜甜地。數量多比想像中多，而且每一件青口個外殼都好大，裏面個肉粒亦唔細小，表面嗰啲記得撈埋啲米酒食啊，會好味好多。4001韓式牛肉或海鮮或雜菜炒韓國粉絲＄98我哋就選擇左海鮮炒韓國粉絲，韓國粉絲其實有少少似水晶粉，半透明狀態不過醬汁係啡色，所以啲粉都跟住變咗啡色。比較多蝦仁都係好爽口係經過處理嗰種，而且有啲好有彈性但係唔韌嘅魷魚！仲有其他調味配料，整體味道唔錯，鹹味適中。5002韓式石頭鍋米糕伴自家製雲呢拿雪糕＄68到咗甜品環節，最得意就係個石鍋熱辣辣，下面有個正方形嘅米糕，質感有少少似蛋糕，但係就比蛋糕更加健康同埋有黏性，上面仲有