泓居酒屋 (已結業)

早幾日約咗老婆喺公司附近搵食，想食日本野，所以就搵咗呢間樓上居酒屋，環境幾好，食物又超高質～沙律前菜，新鮮的蔬菜同蕃茄搭配柚子醋嘅香味，清新既味道令人胃口大開～漬物酸青瓜，酸酸嘅味道，清爽嘅口感，同樣會越食越開胃麵豉湯，一面食豆皮同豆腐，一面飲香濃既麵豉湯，正～黑松露蔥油吉列黑豚扒定食，黑松露配搭洋蔥蓉有一種講唔出嘅獨特香味，黑豚扒外層有薄薄既脆漿，肉質鮮美，加埋美味既塔塔醬，不論口感同味道都一流！😋👏🏻和牛漢堡扒定食，香脆嘅薯角同埋新鮮沙律菜已經令人好有驚喜～主角和牛漢堡扒非常優質，鬆軟又多汁既肉質，配合上面既醬汁，非常好味，鍾意漢堡扒既一定唔可以錯過！👍🏻👍🏻👍🏻蜂蜜檸檬柚子茶，非常香既柚子味，配合蜂蜜同檸檬，口感好清新～非常滿足既一餐，下次要試埋佢 d 串燒先得 😛