我同我個friend都係芫荽控，見到芫荽就開心😂見到佐敦鍋霸有芫荽湯底，咁啱想打邊爐，諗都唔諗就揀呢間！
一坐低梗係揀返個芫荽湯底先，我哋同時又想食麻辣湯底，所以就叫咗個鴛鴦鍋。話晒麻辣湯底係每間打邊爐店嘅考牌之作，對我黎講，得好食麻辣湯底得天下😌
湯底黎到後，喺未放任何食物之前就試咗個湯先！麻辣湯底夠香辣，唔會死鹹或死辣，再試個芫荽湯底，有勁濃嘅芫荽味，完全冇着晒芫荽控嘅食慾🤤
喺套餐方面，我哋揀咗嗰個養生火鍋套餐第二級-美國Prime Grade 牛肩胛肉
我哋同時間一併點埋其他配料。
呢度嘅配料有成70款咁多！
最初都有少少花亂，但好快就鎖定目標要食出面冇嘅嘢！因為咁，所以我哋就點咗手工黑松露墨魚丸、手工麻辣牛丸、八吋長蟹棒、麻辣頁丸等等。特別推介方形魚腐同台灣鴨血，真係勁好食！
午市任食4.5小時，湯底同食材都好食不特止，仲包Dreyer’s甜筒！除咗嘢食好食，staff嘅service都好有禮貌，加加埋埋所有，我覺得呢度值得一黎再黎！
