The Salted Pig (新都會廣場) (已結業)

今次有機會同朋友聚餐就約埋去咗葵芳【The Salted Pig】食嘢。今次點咗 Sharing Snack Platter，入面有蘇格蘭雞蛋、豬皮脆片、脆豬肋骨、迷你牛肉漢堡、香料雞翼、蝦餅、酥脆魷魚圈及薯圈。蘇格蘭雞蛋外面香脆包住入面隻雞蛋味道特別。豬皮脆片就好似食緊厚薯片咁香脆。脆豬肋骨就好入味。牛漢堡就可一口放入口，既有牛味又有蔬菜及芝士味。香料雞翼超惹味因為表面香料十足，蟹餅、魷魚圈及薯圈都炸得恰到好處。 沙律點左 Grilled Prawn & Avocado Salad，入面嘅牛油果同埋芒果超多，加上大蝦大大隻，襯埋車厘茄再配甜辣沙律汁食，絕對有多重層次而且好開胃。主菜點咗 Suckling pig 1/4，歐式脆皮乳豬配埋薯蓉雜菌法邊豆，絕對係好滿意嘅配搭，胡椒仔汁色絕對係前所未有嘅好味，最緊要豬肉嫩滑，乳豬皮夠香脆。 甜品叫咗 Banana Sundae，新鮮香蕉有焦糖響面，加埋朱古力雪糕及棉花糖，大小朋友都鍾意食。