Mamaday (已結業)

蜜汁燒豬頸肉（$136）非常之有水準！厚度相比起一般豬頸肉厚，而且有適量的脂肪，燒完之後好有香味🐷 開埋基本但重要嘅泰式辣醬已䊺夠贏。將豬頸肉放喺脆卜卜嘅蝦片上面食，都一樣過癮🙂 沙律🥗 除咗有基本嘅沙律菜之外，仲有少少生果，可以refresh吓個口腔。另外，我哋叫咗「有蟹Go又有蟹肉的蟹蟹蟹意大利麵」（$138）名副其實，蟹膏非常足夠，可以撈勻成個意大利麵都有🦀🦀🦀🍝 另外有兩條蟹柳棒，兩隻小蟹鉗——記得要用叉將裏面嘅蟹肉挑出來食😋 上枱賣相都幾靚！