駟馬拖車潮州飯店 (MOSTown新港城中心(4期)) (已結業)

今日見間舖新開諗住外賣試下，落完單比完錢望返，點解同張menu既價錢唔同既？望多2眼個收銀就大大聲話「小姐今日星期六，個價錢會加10幾蚊架！」原來佢有2張menu,1張堂食用，1張外賣用，外賣既價錢比堂食貴（起碼貴10幾蚊，個88折等於無），但佢無同你講過有2張menu,2張menu都放係收銀旁。你既然我一睇你就會講出上面嗰段野，即唔只我中招啦？咁你唔收好d menu?收錢既時候你唔同客講？好啦，仲有呢間野收外賣盒係逐個計，咁我叫左5樣野佢收我7個盒2個袋錢，我又唔明有咩要落2個盒，問收銀嗰時就話我跟機落架，啱架啦。ok，到我拎野食嗰時，望返得6個盒1個袋，都係同張單唔同，要去問返收銀先比返錢我。野食未食，但d態度同嗰張加價再折既外賣單已經令人唔想再去囉