富士山 (已結業)

好耐冇出過街食飯，今日難得同老公出去走一走，就試吓新野食。我就叫咗一個吞拿魚丼，海膽軍艦同埋蟹膏軍艦，好耐冇食過日本野，所以一次過叫晒我鍾意食嘅嘢。吞拿魚丼，有吞拿魚，有吞拿魚腩同埋有吞拿魚茸，吞拿魚腩入口即溶，佢嘅油份非常之充足，非常之好食。吞拿魚茸口感好好，送飯一流。海膽軍艦，好耐未食個海膽係甜甜地，通常喺出邊食都係苦，所以呢一間海膽係必食㗎！蟹膏軍艦，出邊食嘅蟹膏會好鹹，呢一間係食出先甜味道，好味。因為太飽嘅緣故，仲未試佢嘅串燒同埋小食，下次一定要返嚟再試過。