牛芳百世 (已結業)

經過過無數次想食，終於同男友一齊去試下。因為有崩沙腩同唔同腩位，所以都幾期待。點知服務一般，落單時唔耐煩。最中伏嘅係個兩碗清湯腩……我叫左個牛坑清湯腩粗麵，男友叫左個崩沙清湯腩飯。一上菜，個碗好大，好多湯。牛腩呢？4粒仔…… 嘩~ ＄7x仲未加一嘅一個崩沙腩飯真係少到眼都凸。仲要冇肉嘅…… 到牛坑腩麵，都係多湯，牛腩係碎嘅4粒仔。最過份係，一碗兩大舊蘿蔔放底，另一碗得一舊。＄40嘅雞翼都係伏，得4隻……味道非常一般，根本同好食拉唔上關係。啲湯好油，牛腩冇味，就連辣椒油都唔辣。水又冇杯…… 焗人叫嘢飲。雞翼就冇特別，但一定唔係自家制，只係有泰式辣醬點下嚟食。兩個字：唔掂連外面＄30一碗嘅都好食過呢間。