影片
更多
2024-03-29
83 浏览
网上睇过食评话呢间不错，本身住喺附近，所以当晚同屋企人落街食饭经过，咁就不如入去试吓啦，本身冇预约， Walk in入去话可以食90分钟，咁OK冇问题，入去时服务招呼不错，茶水碗碟摆枱好好，但刚拿起菜单嘅时候，就已经开始催促我哋点菜，咁唯有快快手点住两个菜先，但佢已经好似有啲唔开心就话净系点两个菜？跟住我话我点住先，之后我再点多两个菜，合共点咗四个菜，分别系：卤水拼盘卤水鹅件蒜蓉蒸蛏皇潮州蚝饼卤水拼盘份量可以，每款有两件至三件，当中都系有啲鹅脚头尾或者鹅翼头尾斩件。卤水鹅件就薄身骨多过肉，中间垫底芽菜就多，而且鹅肉仲好韧，好难咬开，同食评中人讲嘅似乎有啲差距，唔知系唔系当晚人多呢？唔系熟客仔？所以被分薄咗？至于当中嘅蒜蓉蒸蛏皇系全晚最伏嘅一碟𩠌，收时价 $88 一只，我哋一行三人所以叫咗三只，上菜时见到𠮶个圣子壳已经好细，之后只见到一大堆粉丝蒜蓉喺面，咁我拨开啲粉丝同蒜蓉后，终于揾到啲蛏子肉，啲蛏子肉大约壳嘅一半长度，而且好瘦，仲断开一至两截，真系未试过咁幼细嘅＂蛏子皇＂，食落口好靭，一啲都唔似系新鲜嘅，似系急冻嘅，又或者已经放咗雪柜好耐，粉丝同蒜蓉得𠮶个咸味同埋少少苦味，总之呢碟嘢就
卤水拼盘
卤水鹅件
蒜蓉蒸蛏皇
潮州蚝饼
卤水拼盘份量可以，每款有两件至三件，当中都系有啲鹅脚头尾或者鹅翼头尾斩件。
卤水鹅件就薄身骨多过肉，中间垫底芽菜就多，而且鹅肉仲好韧，好难咬开，同食评中人讲嘅似乎有啲差距，唔知系唔系当晚人多呢？唔系熟客仔？所以被分薄咗？
至于当中嘅蒜蓉蒸蛏皇系全晚最伏嘅一碟𩠌，收时价 $88 一只，我哋一行三人所以叫咗三只，上菜时见到𠮶个圣子壳已经好细，之后只见到一大堆粉丝蒜蓉喺面，咁我拨开啲粉丝同蒜蓉后，终于揾到啲蛏子肉，啲蛏子肉大约壳嘅一半长度，而且好瘦，仲断开一至两截，真系未试过咁幼细嘅＂蛏子皇＂，食落口好靭，一啲都唔似系新鲜嘅，似系急冻嘅，又或者已经放咗雪柜好耐，粉丝同蒜蓉得𠮶个咸味同埋少少苦味，总之呢碟嘢就真系伏。
全场唯一最赞嘅就系潮州蚝饼，呢碟蚝饼啲蚝仔真系粒粒胀卜卜，蚝仔份量多，而且个脆浆炸得好好食，呢个就真系呢间嘅必食之选。
当晚潮州蚝饼系最迟嚟，仲要系等我哋食晒头三碟𩠌之后，佢收晒碟都仲未嚟到，咁啲侍应可能觉得点解我哋仲未埋单？不停行嚟行去眼望望咁，直至到我哋碟潮州蚝饼嚟咗之后先至再冇望落去，我都知道门口有人等紧，所以一食完就已经即刻埋单走，点知等咗好耐张单都未埋到俾我，啲侍应已经唔耐烦叫我自己去收银问一问，咁我唯有自己去收银度问啦，啲收银又话番我，叫我坐喺度等单过嚟，我咪嬲嬲地同佢讲，张单已经埋咗好耐都未到，系啲侍应叫我过嚟问㗎，佢先死死地气问返个侍应系边张枱张单，跟住个收银同我讲话从来冇接过话呢张枱埋单，咁我唔理啦，麻烦你而家同我埋咗张单先，我想走啊，唔想再嚟喇！
张贴
