影片
更多
2015-12-26
1720 浏览
環境：比想像中細，得17個位（唔怪得要幾個月前book位）。吧檯好逼，講野要好細聲如果唔係全張吧檯嘅人都會聽到晒。坐近收銀嗰邊尤其迫，凳同收銀之間只有一個人身位，坐另一邊嘅吧檯會闊落好多。食物：set lunch（＄250-600）有10件壽司set，刺身定食，鰻魚飯，牛扒飯，omakase... 定食嘅價錢拍得住中環，但唔知壽司set嘅質素又如何呢？茶碗蒸：好熱好熱，一定會辣親個口... 表面平滑，入口即化，唔會蒸得好稀，而且蛋味同平時啲唔同嘅，蛋味好濃... 唔錯唔錯左口魚：肉質結實，壽司飯加上赤醋＆蔥，可惜啲飯味蓋過左口魚嘅濃郁甘香... 妹仔大過主人婆甜蝦：2隻甜蝦上掃上蝦膏，的確好正（雖然啲膏有少少苦）。不過朋友嗰舊就好陰公，師傅整好舊壽司放上碟嘅時候，2隻恩愛嘅蝦已經分開咗啲。朋友好期待夾起佢嘅時候，可怕嘅事情發生！壽司飯四散，2隻蝦跌咗落街.... 師傅你好狠心.........針魚：肉質充滿彈性，味道鮮甜，又唔會覺得好油深海池魚：第一吓食覺得有少少似三文魚？非常鮮甜，質感爽脆嫩口 竹籤魚：火炙後芳香無比，好肥美.... 赤綠：同樣係火炙過，加上少少鹽，口感爽脆，好好味！
食物：set lunch（＄250-600）有10件壽司set，刺身定食，鰻魚飯，牛扒飯，omakase... 定食嘅價錢拍得住中環，但唔知壽司set嘅質素又如何呢？
茶碗蒸：好熱好熱，一定會辣親個口... 表面平滑，入口即化，唔會蒸得好稀，而且蛋味同平時啲唔同嘅，蛋味好濃... 唔錯唔錯
左口魚：肉質結實，壽司飯加上赤醋＆蔥，可惜啲飯味蓋過左口魚嘅濃郁甘香... 妹仔大過主人婆
甜蝦：2隻甜蝦上掃上蝦膏，的確好正（雖然啲膏有少少苦）。不過朋友嗰舊就好陰公，師傅整好舊壽司放上碟嘅時候，2隻恩愛嘅蝦已經分開咗啲。朋友好期待夾起佢嘅時候，可怕嘅事情發生！壽司飯四散，2隻蝦跌咗落街.... 師傅你好狠心.........
針魚：肉質充滿彈性，味道鮮甜，又唔會覺得好油
深海池魚：第一吓食覺得有少少似三文魚？非常鮮甜，質感爽脆嫩口
竹籤魚：火炙後芳香無比，好肥美....
赤綠：同樣係火炙過，加上少少鹽，口感爽脆，好好味！
鯖魚：曾經食過幾腥嘅鯖魚，好在呢個入口甘腴，但係食落咗就覺得醋香過盛.. 冇咁酸會更好
海膽：第一次聽聞鮨文就係佢嘅海膽多到不得了，今日終於大開眼界，金黃色又帶光澤嘅海膽原來係來自根室，係北海道其中一個著名嘅海膽產地。份量咁多見到都開心，每塊都大小平均。海膽入口幼滑鮮甜，淡淡嘅鮮味唔似平時食開嗰啲咁濃郁，而且冇乜aftertaste。佢唔係唔好味，不過唔係最好味
燒拖羅：燒到油香四溢，入口即溶鮮甜甘香。不過我都係prefer唔燒嘅拖羅多啲
蔥吞拿手卷：又高又瘦，好多好多吞拿，入口即溶但係蔥少咗啲，冇咗蔥嘅鮮味好似爭咗啲。值得一讚係紫菜好爽口，爽到刮親啲牙肉...
蜜瓜：的確好juicy，但係蜜瓜香味欠奉而且唔甜。如果夕張蜜瓜係10分甜，呢個蜜瓜只係3分甜
服務：記住訂咗位早到係冇用㗎！因為坐滿人嘅關係，就算早到都唔會有位坐住先，準時到ok㗎喇。服務都算OK，不過不失。唔笑嘅壽司師傅感覺好cool...... 而且點菜後同食第一件壽司隔得幾耐，似乎係要等師傅切晒咁多位客人嘅份量先一次過整？不過唔緊要啦，望住啲魚好肚餓咁啫....
唔知係咪睇得報道多，差唔多個個食評又話好好味，而且咁難訂位你會覺得好矜貴好期待。平時同呢位壽司朋友仔去食壽司我地會食到好興奮，唔知係呢度太迫嘅關係令到我地收斂咗，定係佢嘅壽司未係好食到會令人好興奮呢？試過一次就算喇，都係我嘅壽司飯堂最好食~
86 浏览
0 赞好
0 留言
10件壽司
$250
76 浏览
0 赞好
0 留言
张贴
