牡蠣不如帰

营业中

休息中

我同friend久仰大名，今日終於嚟到試。本身我有頗高期望，因為門口都有人龍，而且餐牌選擇少，感覺似係好專注做好幾道菜嘅餐廳。但拉麵送嚟嘅時候，我硬係覺得有啲唔妥。鋪頭雖然主打蠔味拉麵，但原來碗麵真係得蠔醬一羹，完全無蠔。另外，麵質比較幼同埋唔靭，與其話係拉麵倒不如話係蕎麥麵比較好...不過公道講句，湯底係幾唔錯嘅。只係我覺得主打蠔嘅麵店無蠔食，有少少可惜；而且碗麵無蠔都賣一百幾十蚊，我覺得有少少唔合理。