Mamaday (已結業)

網上訂位6pm，當日同朋友5:52pm上到去，職員話6點先開門要我地喺門口等，我同朋友就喺後梯等(因為𨋢口位位置不大同焗)，排第一位，之後陸續都見到有人跟住我地尾排隊(後梯當然都係焗同熱)，等到5:58pm，見到有人搭𨋢上嚟就直接入咗餐廳並有職員安排入座🙄(既然已經可以安排入座，點解唔係安排咗我地排隊嘅客人入座先呢!？) 安排咗座位後，我同朋友已經好快 scan咗個menu可以落單(因為可以選擇嘅食物同飲品不多同埋有限時)，餐廳內嘅枱不多，大概7-8張枱，等食物其間當然影下可打卡嘅位啦，估唔到廁所位反而有驚喜，反正得一格，可以慢慢影，order咗一客鰻魚蛋包飯(不要有期望，圖片只供參考，好睇唔好食) ，軟殼蟹pizza (味道不錯👍)，另外我地每人order咗一杯飲品，唔記得朋友嗰杯係乜野🤪，我嗰杯係oreo咖啡沙冰，唔太甜同夠咖啡味，某位男侍應服務良好，不過唔記得叫咩名lu😄