影片
更多
2019-02-25
101 浏览
之前食過鉄人旨花的鐵板燒套餐，念念不忘其鮮味佳肴，今晚約咗好耐無見的朋友一齊食日本野，一於再訂位來食呢間的Omakase套餐。 今晚客人都多，差唔多坐满，我地就坐吧台，可以望住師傅精心制作。餐牌有兩個唔同價錢的set 可以揀，今晚我就揀咗個Shinka Omakase, $1580. 先來前菜三點，松葉蟹腳加蛋黃醋：蟹肉鬆軟鮮甜，蟹味濃郁，水母刺身黑松露醋：第一次食水母刺身，質感通透晶瑩，咬落好爽脆，醋汁味道酸甜，令人驚喜，鮟鱇魚肝：質感軟稔厚身，魚的油脂味重。刺身系列，甩皮魚加魚肝醬, 梳子魚, 虎蝦, 蝦籽, 金目鯛,鮮甜美味，厚身嫩滑，金目鯛同梳子魚表面微烤過香氣散發。美國小蜜蜂龍蝦，刺身，賣相已經好吸引，大隻而多肉，顏色十分有光澤。肉質爽口鮮甜，啖啖肉，龍蝦味鮮甜可口，可以掃一掃鹽板，增添鮮味。南極圓白鱈魚，魚肉較結實 ,燒得剛好熟，肉質鬆軟香甜，油脂味濃郁。紫菜包燒帶子，帶子表面微燒過，大粒而厚肉，嫩滑鮮甜，同爽脆的紫菜味道好夾。 手握壽司，6貫，分別係：小鯽魚，用醋醃過，魚肉大塊厚身，都比舊飯大塊，蓋住飯面，肉質呈嫩白色，入口鮮甜，魚香味重，梅真鯛加海苔漬，第一次食到呢隻魚
之前食過鉄人旨花的鐵板燒套餐，念念不忘其鮮味佳肴，今晚約咗好耐無見的朋友一齊食日本野，一於再訂位來食呢間的Omakase套餐。
今晚客人都多，差唔多坐满，我地就坐吧台，可以望住師傅精心制作。餐牌有兩個唔同價錢的set 可以揀，今晚我就揀咗個Shinka Omakase, $1580.
先來前菜三點，
松葉蟹腳加蛋黃醋：蟹肉鬆軟鮮甜，蟹味濃郁，
水母刺身黑松露醋：第一次食水母刺身，質感通透晶瑩，咬落好爽脆，醋汁味道酸甜，令人驚喜，
鮟鱇魚肝：質感軟稔厚身，魚的油脂味重。
刺身系列，甩皮魚加魚肝醬, 梳子魚, 虎蝦, 蝦籽, 金目鯛,鮮甜美味，厚身嫩滑，金目鯛同梳子魚表面微烤過香氣散發。
美國小蜜蜂龍蝦，刺身，賣相已經好吸引，大隻而多肉，顏色十分有光澤。肉質爽口鮮甜，啖啖肉，龍蝦味鮮甜可口，可以掃一掃鹽板，增添鮮味。
南極圓白鱈魚，魚肉較結實 ,燒得剛好熟，肉質鬆軟香甜，油脂味濃郁。
紫菜包燒帶子，帶子表面微燒過，大粒而厚肉，嫩滑鮮甜，同爽脆的紫菜味道好夾。
手握壽司，6貫，分別係：
小鯽魚，用醋醃過，魚肉大塊厚身，都比舊飯大塊，蓋住飯面，肉質呈嫩白色，入口鮮甜，魚香味重，
梅真鯛加海苔漬，第一次食到呢隻魚的刺身，肉質軟稔，入口煙韌，
中拖羅，肉質呈嫩紅色，雪花油脂分佈平均，入口即溶，
平目魚，肉質鮮甜嫩滑，有淡淡魚脂味，
池魚，肉質透明清徹，咬落彈牙爽口，
赤貝，顏色鮮艷，入口爽脆。
海膽飯，海膽鮮甜嫩滑，滲入飯粒當中，非常濃郁，入口即溶，美味可口。
食日本餐當然要飲返碗香噴噴的味噌湯，用返龍蝦刺身的龍蝦頭放入當中煲湯，鮮甜而易入口。
甜品有多款味道的雪糕可以揀，我揀咗紅豆雪糕，奶滑香甜，加上有脆米，口感豐富。
张贴
