就搵個時間試下啦
訂咗閒日夜晚七點半 以為會好多人 但係入到去都唔係話好多 大概四分一人到
入去職員已經好有禮貌 帶我哋入坐喺梳化位置 都比較舒服
今次嗌咗一個二人餐
首先嚟嘅係素羅宋湯
雖然佢係素食
但佢個味道好似平時食嘅羅宋湯咁
我覺得真係好適合素食者 因為佢真係好好味
仲有可以一齊食嘅麵包條同麵包 兩樣都好好味同個湯好配合
然後再食咗一個西班牙海鮮飯
1
意大利飯硬度啱啱好 而且配料亦都好多
好好味我好滿意
然後食埋個香煎三文魚魚柳
魚肉都比較滑嘅 個皮都仲脆
特別佢邊有下面嘅薯蓉 超級滑身好好味
總括嚟講兩個主菜都好好味
最後去到甜品
tiramisu 好重酒味 好推介
另外一個係意大利雪糕泡芙
本身以為佢會好似出面咁 入面係雪糕咁
點知原來係調返轉
面頭係雪糕包住 然後就係入面一個泡芙入面再有少少雪糕
好好味，第一次食！
同埋佢比較有心思嘅
每一個菜上嚟到黎都好靚
最後埋單大概三百零蚊一個人 職員都送咗啲coupon可以再下次嚟食
整體感覺都好唔錯 下次會上嚟再食多一次
