影片
更多
2009-11-01
1 浏览
因為早前南早有買一送一wine tasting menu ， 所以慕名而來。一坐低，侍應哥哥就比咗個菜單我地睇，不過一睇就已經開始擔心喇，因為原來南早上面個菜單係9月份嘅，10月嘅菜單已經唔同咗。主菜轉咗做魚同埋羊架，但係兩樣我都唔食嘅。不過既然嚟咗，無理由走架嘛！咁我就問侍應哥哥可唔可以將羊架轉第二樣啦！個侍應哥哥好好人，佢提議幫我轉成多一份魚，咁我表示其實魚我都唔係好食，只係羊我就完全唔食！咁侍應哥哥就話幫我轉做磨菰意粉！先嚟嘅係麵包，熱辣辣，豬仔包好脆，好好味！跟住頭盤就係蘋果他他，感覺清新開胃。重有就係青口芝士撻，細細個，芝士味香濃。第二道菜就係鮮魚湯，有一隻燒帶子，好香好好味，但個湯就無乜魚味。主菜嚟喇，先嚟嘅係魚，雖然細細塊但我覺得反而合我份量。味道都可以，只係唔知點解會有魚鱗，真係要扣分，而且老公話係雪魚，無乜魚嘅鮮味。 跟住出場嘅係我嘅磨菰意粉同老公嘅羊架。磨菰意粉味道香濃，但意粉頗硬，浪費咗個意粉。而我最後亦只係食咗一半。而老公個羊架賣相唔錯，但老公話有臊味。 其實你標榜係fine dining，亦係頗有名嘅食店，我覺得魚有魚鱗，意粉硬，羊架有臊味呢啲係唔可以原諒。即
一坐低，侍應哥哥就比咗個菜單我地睇，不過一睇就已經開始擔心喇，因為原來南早上面個菜單係9月份嘅，10月嘅菜單已經唔同咗。主菜轉咗做魚同埋羊架，但係兩樣我都唔食嘅。不過既然嚟咗，無理由走架嘛！咁我就問侍應哥哥可唔可以將羊架轉第二樣啦！個侍應哥哥好好人，佢提議幫我轉成多一份魚，咁我表示其實魚我都唔係好食，只係羊我就完全唔食！咁侍應哥哥就話幫我轉做磨菰意粉！
先嚟嘅係麵包，熱辣辣，豬仔包好脆，好好味！跟住頭盤就係蘋果他他，感覺清新開胃。重有就係青口芝士撻，細細個，芝士味香濃。第二道菜就係鮮魚湯，有一隻燒帶子，好香好好味，但個湯就無乜魚味。
主菜嚟喇，先嚟嘅係魚，雖然細細塊但我覺得反而合我份量。味道都可以，只係唔知點解會有魚鱗，真係要扣分，而且老公話係雪魚，無乜魚嘅鮮味。 跟住出場嘅係我嘅磨菰意粉同老公嘅羊架。磨菰意粉味道香濃，但意粉頗硬，浪費咗個意粉。而我最後亦只係食咗一半。而老公個羊架賣相唔錯，但老公話有臊味。
其實你標榜係fine dining，亦係頗有名嘅食店，我覺得魚有魚鱗，意粉硬，羊架有臊味呢啲係唔可以原諒。即使味道不錯亦不能不扣分，應該可以做得好啲，細心啲。值得一讚嘅係啲侍應哥哥嘅服務，殷勤得嚟恰到好處！
最後係甜品，雪糕加poached pear，感覺好清新，一掃之前嘅肥膩。
如果用正價嚟講，我就覺得食物同用料都唔係咁值用咗買一送一都重要600蚊一個人。用呢個正價嘅話其實有好多更好嘅選擇。而且其實坐得唔係咁舒服，張檯好細，而且太貼隔黎檯,咁啱另一邊我地坐咗晌個工作臺隔嚟，啲侍應因公作需要成日行來行去，令我地感覺好冇私隱度。其實通常較高級的食店都會把工作臺與客人分隔得好遠，避免騷擾到客人。特別係啲刀叉砰砰棒棒的聲音，電話聲等。
张贴