酒池肉林 (已結業)

久聞大名，終於於上星期六試左，但真係好令人失望，我地兩人食，一個五個courses,一個四courses，但我地兩人都失望了．我地可以係房食，但要同人share,環境係靚既，但唔明點解無人帶我地出去露台望下，而我唔明係咪因為人地食六個courses　or　以上就有專人帶佢去露台，雖然冷氣係對住佢，但兩人share一間房，我覺得waiteress/manager可以同我講聲，但佢無，收加一架，咁點好意思收我呀？講到野食，真係好一般，前菜一般，個湯好稀，main course我要左海鮮意粉，個friend嗌左羊架，講真，意粉真係一般，海鮮也未算得上新鮮，個friend話羊架OK，但講不出好味．真係唔明白，點解檸檬水會得一片超既檸檬？懇請大家唔好再吹噓此食肆啦，咁既價錢香港仲有多選擇架．點解要咁麻煩又俾deposit，又要一早book 位，而最後係失望而回呢？唔好再羊群心理，人云亦云啦．