影片
更多
2017-02-06
2227 浏览
同茹素既朋友約會，所以要搵食素既餐廳。好耐以前已經聽聞過專門聘請退休銀髮族既社企銀杏館，一直以為得饒宗宜個邊有，咁岩發現中環九記牛腩斜對面原來都有分店就訂左位。店舖有兩層，每層既範圍都偏細，我地被安排坐最出既位置，最近門個個位幾乎每次有人開門都要就一就，如果介意既要留意。另外洗手間係二樓，需要行樓梯，如果同行有行動不便既朋友都需要留意。坐底之後侍應伯伯俾左3 版紙左右既餐牌我地，以我地5個人黎講，選擇屬於偏少。小食又以炸物類為主，我地同行都係年長人士較多唔想叫太多炸物既話選擇會更少。最終都惟有撇開唔食炸野呢個執念。全晚最驚喜係伯伯介紹既粟米濃湯，佢介紹個時話係用自家農田種既粟米打成蓉黎煲都覺得無乜特別，因此屋企都係用開呢種煮法，但既然家中大廚都話試試佢咁就叫左啦，對比平時家中大廚不計成本地煮都仲要濃，所以呢碗湯實在係開左個靚頭同令大家既期望高左。食物陸續黎到，我地仲有叫左個雜錦天婦羅，呢個相當令我地失望，因此一般食到自己農場種既蔬果都會好甜，奈何呢到既南瓜淡到難以置信。原本係諗住叫完雜錦之後揀好味既料黎追加。食完呢碟之後決定點都唔要天婦羅。食哂所有野之後覺得真係未係好夠飽，錯有錯著地焗
店舖有兩層，每層既範圍都偏細，我地被安排坐最出既位置，最近門個個位幾乎每次有人開門都要就一就，如果介意既要留意。另外洗手間係二樓，需要行樓梯，如果同行有行動不便既朋友都需要留意。
坐底之後侍應伯伯俾左3 版紙左右既餐牌我地，以我地5個人黎講，選擇屬於偏少。小食又以炸物類為主，我地同行都係年長人士較多唔想叫太多炸物既話選擇會更少。最終都惟有撇開唔食炸野呢個執念。
全晚最驚喜係伯伯介紹既粟米濃湯，佢介紹個時話係用自家農田種既粟米打成蓉黎煲都覺得無乜特別，因此屋企都係用開呢種煮法，但既然家中大廚都話試試佢咁就叫左啦，對比平時家中大廚不計成本地煮都仲要濃，所以呢碗湯實在係開左個靚頭同令大家既期望高左。
食物陸續黎到，我地仲有叫左個雜錦天婦羅，呢個相當令我地失望，因此一般食到自己農場種既蔬果都會好甜，奈何呢到既南瓜淡到難以置信。原本係諗住叫完雜錦之後揀好味既料黎追加。食完呢碟之後決定點都唔要天婦羅。食哂所有野之後覺得真係未係好夠飽，錯有錯著地焗住叫左薯飯，反而出奇地好食，可能係前面既失望真係比較多。
主食方面我地叫左3樣，有咖哩豬扒飯，韓式石頭飯，同埋黑松露醬意粉。3樣野比較係咁既: 石頭飯>>豬扒飯>>意粉石頭飯既辣椒膏係分開上既，岩哂同行有滴辣不沾同無辣不歡既朋友。而且配料真係幾豐富所以味道都較吸引。然後係豬扒飯，佢既豬扒又比一般既齋肉好一啲，因為係用大豆纖維，可能即係無咁多加工情序。個汁既味道就一般啦，好似平時啲咖哩磚開出黎咁，無乜特別。最後既松露意粉，油左啲啲。
此行最失望既係因為做細既要請長輩食飯，而長輩又係屬於爭俾錢個個界別到係專業級。所以我地事先定好作戰計劃。男人專登去完洗手間落黎係收銀到俾埋錢。點知侍應伯伯一見到佢俾錢就衝埋黎收野，我地同佢講仲未食完架，佢仲要大大聲話"我叫呀靚仔去左俾錢丫麻"。即時令到全場溫度冷凍。配合埋佢個餐單咁少選擇我諗呢間我就未必有下次喇。
聽聞佢係太古分店菜單選擇比較多，有機會經過或者可以考慮下。
张贴
