影片
更多
2014-06-14
10957 浏览
有咩辦法，可以喺幾個鐘內食勻名古屋代表美食同淺嚐飛騨牛？答案係去半島今佐 IMASA 幫襯佢哋最新推出嘅『名古屋、飛驒高山自助餐』。坐低，先嚟一杯隨餐附送嘅名古屋特產柚子清酒，冰涼怡人柚子香流入喉頭，忠誠履行開胃嘅本份。睇睇自助餐桌上嘅陣容，款式唔算特多，但有心思有特色。前菜如鰻魚玉子卷、茄子田樂(麵豉茄子)同芋頭芋絲煮賣相精緻，食味亦不俗，特別喜歡小芋頭，軟滑入味，同我好鍾意嘅寧波小芋艿有異曲同工之妙。紅麵豉蜆湯香氣馥郁，不太鹹，味道剛剛好。 蠔雑炊睇嚟都好吸引，但要留肚所以冇食。雖然名古屋喺內陸，當地不以海產為主食，但唔駛擔心，香港嘅自助餐又點會冇sashimi？放眼一看海膽油甘魚魷魚皇帝蟹帆立貝吞拿魚三文魚甜蝦劍魚赤貝列陣，特別欣賞海膽用上紫海膽，入口鮮甜零苦味，帆立貝甜蝦亦食得出係好料。壽司有油甘魚吞拿魚火炙三文魚火炙鯛魚火炙比目魚蟹棒，一件都冇食，因為已經被隨餐送嘅兩件飛騨牛壽司KO咗。 飛騨牛肉色鮮明，紋理清晰油花均勻，一啖夾入口，脂香四溢但不膩，肉質有彈性亦比一般神戶牛更富肉味，配合適口嘅壽司飯，兩件真係唔多夠喉；只係醒起仲有大把嘢未食，惟有同自己講少吃多知味，再奮起出去
答案係去半島今佐 IMASA 幫襯佢哋最新推出嘅『名古屋、飛驒高山自助餐』。
坐低，先嚟一杯隨餐附送嘅名古屋特產柚子清酒，冰涼怡人柚子香流入喉頭，忠誠履行開胃嘅本份。睇睇自助餐桌上嘅陣容，款式唔算特多，但有心思有特色。前菜如鰻魚玉子卷、茄子田樂(麵豉茄子)同芋頭芋絲煮賣相精緻，食味亦不俗，特別喜歡小芋頭，軟滑入味，同我好鍾意嘅寧波小芋艿有異曲同工之妙。
紅麵豉蜆湯香氣馥郁，不太鹹，味道剛剛好。 蠔雑炊睇嚟都好吸引，但要留肚所以冇食。雖然名古屋喺內陸，當地不以海產為主食，但唔駛擔心，香港嘅自助餐又點會冇sashimi？放眼一看海膽油甘魚魷魚皇帝蟹帆立貝吞拿魚三文魚甜蝦劍魚赤貝列陣，特別欣賞海膽用上紫海膽，入口鮮甜零苦味，帆立貝甜蝦亦食得出係好料。
壽司有油甘魚吞拿魚火炙三文魚火炙鯛魚火炙比目魚蟹棒，一件都冇食，因為已經被隨餐送嘅兩件飛騨牛壽司KO咗。 飛騨牛肉色鮮明，紋理清晰油花均勻，一啖夾入口，脂香四溢但不膩，肉質有彈性亦比一般神戶牛更富肉味，配合適口嘅壽司飯，兩件真係唔多夠喉；只係醒起仲有大把嘢未食，惟有同自己講少吃多知味，再奮起出去掃其他嘢。
跟住食咗飛騨牛照焼手巻 （仲有其他如海老天婦羅手巻、地鶏沙拉胡麻手巻、 三文魚、三文魚籽胡麻葱手巻等等，不過冇試）、飛騨牛忌廉餅 、燉飛騨牛展、土手味噌炸串、手羽先唐揚、 豆干野菜配朴葉味噌，欣賞味道完全同當地一樣嘅忌廉餅，更激讚煮得異常入味鬆軟嘅燉飛騨牛展，絕對係不能錯過。
主菜三選一，有名古屋風鰻魚飯兩吃、地鶏味噌鍋同紅麵豉炸豬排揀，個人口味覺得炸豬扒稍薄略乾，不及鰻魚飯誘人。地雞係名古屋名物，要體驗當地人口味可以揀呢個，雖然我更懷念生雞肉刺身。戰至甜品，胃容量已差不多到頂，但真係抗佢唔到飛騨蜜桃雪芭同飛騨蘋果雪糕嘅魅力，結果連盡兩球，吐出幾口胃氣作結。
同場加映：有美食又點可以冇酒作伴？加328蚊,可以任飲天領「純米大吟醸」，甘甜而且米香醇滑唔剌喉，係飛騨牛菜色嘅好朋友。
张贴
