田中寿司 (已結業)

荃灣好多野食，日式野都好多選擇。呢間新店餐牌上主打應該係鮪魚料理，最吸引之處係佢門口有巨型吞拿魚的大大個裝飾。裝修係走簡約木系，全部係日式設計，比較喜歡佢每張枱之間有竹簾相隔，好和式feel , 私隱度高😉我地今次點左個「赤味噌鍋二人前」套餐：前菜「血合」：血合原來係用吞拿魚既血同紅肉部分製成，好特別又唔腥，比較少啲地方食到😉前菜「胡麻豆腐沙律」：嫩滑嘅豆腐配上胡麻將，亦有新鮮沙律菜拌上，材料好新鮮。主菜「赤味噌鍋」：職員會問你要咩辣，然後一嚟到就見到好多料既鍋，有豚肉片、牛腸、菇類，日本彈牙年糕、雞肉丸、韭菜同腐皮，仲有蔬菜，今日就係娃娃菜。湯頭香濃又唔會太辣太咸，而豚肉同野菜可以無限量添加喔。食完火鍋後店員仲會拎一個白飯同日本生雞蛋、芝士比我地整炊飯，啲飯吸收哂啲汁好正喔😆本鮪三本盛 ：餐廳主打的名古屋吞拿魚，有赤身、中拖羅同大拖羅，各2件，滿足晒你，一次過食到3種層次既吞拿魚，可以分別試到唔同質地、油脂、口感👍🏼串燒：有雞軟骨，燒得很脆口，而豚肉秋葵，黑豚大蔥，同燒鮮菇 都燒得很香口，搽上特製醬汁去燒格外好味👍🏼