一生懸麵

营业中

休息中

呢排見天氣轉涼，就好想食 🏮「一生懸面」🏮個女考完試，我就第二日帶咗佢去食拉麵同埋沾麵。咁啱係禮拜四，入到去見到原來逢星期四惠顧，學生出示學生證有八折優惠。🎊🍜海老拉麵我揀選咗適中軟硬度嘅拉麵，麵條幼身嘅係我喜歡嘅拉麵。個湯濃酬令到拉麵可以掛到湯，咸道適中，絕對唔係死咸。😝櫻花蝦好多，食落去每一啖都可以食到櫻花蝦入口。☺️佢快叉燒真係舊軟腍，油分啱啱好亦都唔會太肥膩。成個面食完之後我已經可以連夜晚嗰餐都唔使食。🍜特濃豚骨沾麵阿女就嗌咗個沾麵，我都有試吓佢嘅湯底，真係個人覺得比較鹹，同埋濃稠都比較高。而佢個沾麵就係粗身嘅，麵身比較硬可能佢揀選左冷麵嘅關係，都要用一段時間先至食得晒，因為要俾啲時間去咀嚼😂。🥟煎餃子餃子食落去就冇咩特別，皮身暖暖哋，餡料都係正正常常😜總括嚟講我哋兩個下午兩點先食就係唔需要排隊，因為過咗午餐嘅時間🤣。食完嗰一餐去到夜晚就連dinner都唔需要食，真係飽到一個點🙀。