陵發潮州白粥 (已結業)

睇完"宵夜" 先知原來太子有間老字號潮州野，特登黎朝聖，覺得香港人點都要試一試😂😂蠔仔粥如圖，d 蠔仔好肥美，湯底帶魚湯香味，唔係死咸，好鮮甜好食。拼盤份量好足，鵝腸肥美彈牙，墨魚夠稔有鮮味。豬紅唔易散，沙爹湯香濃，微辣惹味。鵝片肉質嫩滑，有鵝香，下面嘅豆腐花生都全部無得留底。蠔餅嘅蠔仔都係一樣肥美，但炸得有點油，唔夠脆，唔知用咩蛋，但係食唔出鴨蛋香味，我比較喜歡廟街個間。不過有朋友唔食莞茜，餐廳願意蔥同莞茜另上都係貼心的。餐牌選擇唔多，價錢算合理，一大班人吹水飲啤酒嘅好選擇。