玄鮨 (已結業)

門外見到米芝蓮推介，打聽過晚上的omakase廚師發板都要HK$1400起，價錢都幾貴！咁不如就先試試午餐定食吧。呢間隱世 Omakase 已連續4年入選為「 米芝蓮 指南香港澳門」嘅推介壽司店，捧場客以港人熟客同喺附近工作、居住嘅外國人居多，亦有日本客同遊客幫襯。午市套餐價錢由$320到$520。前菜係麵豉波菜同雜菌。茶碗蒸雞蛋入口滑溜，有雞肉同埋蜆肉好有口感又鮮甜。三色丼有拖羅茸、三文魚子同埋海膽。海膽份量多，入口溶化又creamy又鮮甜；三文魚籽粒粒脹卜卜，晶瑩剔透，咸鮮味十足；拖羅蓉幼滑無筋，魚脂味香濃。Deluxe Chirashi 賣相精美刺身色澤亮麗，刺身款式多份量亦多，。有海膽、拖羅、帆立貝、油甘魚、牡丹蝦，吞拿魚腩、油甘魚、池魚、三文魚籽等，一次過可試哂咁多款唔同嘅刺身，大滿足！麵豉湯裏面有粒粒日本滑豆腐。食完咁多刺身之後飲返碗暖笠笠的麵豉湯同埋熱辣辣嘅湯烏冬，個胃暖番哂。