影片
更多
2019-06-09
82 浏览
今日經過旺角見到呢間茶王冰室，先記起呢間就係大名鼎鼎，啲奶茶攞哂獎既冰室。既然係咁，我就同朋友即刻入咗去食lunch。到嘅時候大概係一點幾，嗰陣時都係佢哋嘅rush hour，要等一陣先可以入到去。要食好野，梗係要等一等。不過其實都係等左幾分鐘，就入得啦。泥到一定就梗係叫佢地最出名既茶王之王，最重要係好彩我地唔係下午四點先泥，如果唔係就冇得飲嫁啦😢首先茶王奶茶到左既時候，真係俾佢成個presentation吸引住。佢地金色既杯set完完全全表現到佢既「王道」，好有class。飲之前工作人員同我地講師傅係去左斯里蘭卡既茶莊特登揀左六隻紅茶去調教呢隻奶茶。飲之前，要飲左佢細細杯既絲襪奶茶，再飲佢既茶王奶茶去試下個分別。首先，飲第一啖絲䌩奶茶嘅時候，真係覺得佢超級滑，仲好香添❤️但一飲佢既茶王奶茶就覺得茶王既回甘味超級強，好有口感，奶味強得泥，茶葉味仍然好香，果然係名不虛傳。食物方面，老闆睇泥真係好有心改進，食物好有驚喜。就連一個簡單嘅炒蛋，都可以做到好多唔同既菜式。我哋就叫咗佢最出名嘅蛋蛋包同埋叉燒滑蛋飯仲有佢嘅瑞士雞翼煎蛋撈出前一丁。個撈丁隻蛋煎得岩岩好 個蛋黃汁撈落啲麵度一齊食，又有瑞士
到嘅時候大概係一點幾，嗰陣時都係佢哋嘅rush hour，要等一陣先可以入到去。要食好野，梗係要等一等。不過其實都係等左幾分鐘，就入得啦。泥到一定就梗係叫佢地最出名既茶王之王，最重要係好彩我地唔係下午四點先泥，如果唔係就冇得飲嫁啦😢
首先茶王奶茶到左既時候，真係俾佢成個presentation吸引住。佢地金色既杯set完完全全表現到佢既「王道」，好有class。飲之前工作人員同我地講師傅係去左斯里蘭卡既茶莊特登揀左六隻紅茶去調教呢隻奶茶。飲之前，要飲左佢細細杯既絲襪奶茶，再飲佢既茶王奶茶去試下個分別。首先，飲第一啖絲䌩奶茶嘅時候，真係覺得佢超級滑，仲好香添❤️但一飲佢既茶王奶茶就覺得茶王既回甘味超級強，好有口感，奶味強得泥，茶葉味仍然好香，果然係名不虛傳。
食物方面，老闆睇泥真係好有心改進，食物好有驚喜。就連一個簡單嘅炒蛋，都可以做到好多唔同既菜式。我哋就叫咗佢最出名嘅蛋蛋包同埋叉燒滑蛋飯仲有佢嘅瑞士雞翼煎蛋撈出前一丁。個撈丁隻蛋煎得岩岩好 個蛋黃汁撈落啲麵度一齊食，又有瑞士汁味又有蛋味 好夾。
瑞士雞翼啲肉好嫩 啲汁都入哂去，唔會好似有啲餐廳倒啲汁上去就扮係瑞士雞翼。
樽仔奶茶 個樽嘅造型好得意
奶茶好絲滑 奶同茶嘅比例岩岩好
唔會太苦太澀 但又唔會俾啲奶搶哂啲味
叉燒滑蛋飯嘅滑蛋真係名副其實好滑。而且份量都十分之足夠。他少又唔會好硬，食得出係新鮮叉燒。所以成碟飯都十分之好味，好滿足❤️。
黑松露蛋蛋包就更加令人驚喜。好似個名一樣，你炒蛋都到一個大嘅包，就係望見都覺得好好味。一食落去，就發現原來蛋蛋包中間係有流心嘅蘑菇汁。食落嘅時候，令到成個蛋蛋打都好有味道同口感嘅層次。加上係最高上面嘅黑松露醬，就令到成個蛋蛋包又香又滑，超級滿足。
總括而言，茶王冰室嘅奶茶絕對係名副其實，茶王之中嘅茶王。而食物又有質素同又有驚喜，一定會再嚟。
张贴
