鮨真 (已結業)

尖沙咀呢一間20樓嘅鮨真，環境質素都好高，約女朋友黎慶祝或者生意上嘅飯局都係一個好好嘅選擇。當日唔太想食飯，於是決定全部野都散嗌，前菜係一個蟹肉啫喱拌胡麻醬，蟹肉一絲絲再加埋三文魚子同青瓜絲，最後食埋啫喱，口感層次好豐富。😀再黎廚師發辦嘅刺身拼盤，牡丹蝦，深海池魚，鯛魚，帶子，火炙太刀魚同埋當然唔少得嘅拖羅，每樣食材都極為新鮮，個人最中意深海池魚嘅部分，魚油香好夠🥰最尾食埋粒玉子燒可以解走刺身嘅魚油感，為下道料理作準備😙散嗌當然唔少得松茸菇同鮑魚，兩樣都係廚師推介嘅食品，燒松茸菇上到嚟已經香氣撲鼻，又多汁，而鮑魚就用咗天婦羅做法，粉漿好簿身，配埋手掌咁大嘅鮑魚軟身爽口嘅口感，很不錯。店員介紹嘅時候買咗鮑魚已經係本身料理過所以食嘅時候唔使點額外嘅醬汁。驚食唔飽嗌埋牛肉烏冬，簡簡單單，但係牛肉幾乎入口即溶，最後仲有甜品揀，雪糕同雪芭都有，好完美嘅一餐！😋