德興館 (已結業)

睇番食評先知自己年幾前食過，原來咁耐無o黎過。宜家比以前平o左，又有1蚊推介，又有credit card優惠。又叫番我至愛的燻魚、擔擔麵個湯底比較杰又唔夠辣、糖醋排骨醬汁味道好，不過肥膏多、清炒西蘭花我落order時叫佢少油，上台時真係無咩油喎，雖然簡單但炒得好爽口。當然有叫1蚊小籠包，雖然買1蚊，但係絶不偷工減料。唔知點解翡翠成日有人排隊，其實佢唔差過翡翠，依度招呼仲好同一定有位。p.s.:個manager都幾好人，我o地食唔夠200蚊，本來無credit card 9折優惠，不過佢照俾我。