德興館 (已結業)

上次想去德興館吃晚飯，去到發覺不見了，不知是搬遷或是結業了。今天我在一個偶然的情況下去豐澤園吃晚飯，見到德興館的舊伙計，說十月時結業了，因為德興館和豐澤園庶同一老闆所有，所以便到了那兒打工。所以，已經沒有德興館啦。

今晚7點同男友試試呢間食評吾錯既菜館,7 點得2臺客,環境同普通小菜館差不多,但因人少關係,所以較靜.我地叫左擔擔麵$18,鍋貼4隻$18,蒜茸炒雞毛菜$28,晚飯送一款小菜揀左雞絲粉皮.擔擔麵---吾錯!花生味頗濃,甜中帶點辣,上海幼麵有口感.鍋貼---煎得夠乾身,但肉餡無鮮味.蒜茸炒雞毛菜---似白菜仔,都頗嫩綠鮮甜,而且吾太油,幾好!雞絲粉皮---份量吾多,但味道討好!$5位茶芥,$6餐前小食,加埋一$89.相當經濟!服務亦吾算差,值得一試!

24/8三個人黎食晚飯1.砂窩雲吞雞半隻($78):湯清清地味道幾好,雲吞幾滑,d雞"鞋"到唔想食.2.片兒川麵:味道幾濃,好似食出前一丁豬骨湯麵咁3.糖醋骨($48):味道麻麻,唔好食4.小籠包:皮乾身少少,味道ok5.擔擔麵:味道較為淡左少少,花生醬味都夠既服務態度幾好^^但有幾隻昆蟲飛飛下

母親大人點名要試的一間菜管，相信是某auntie 8認屎認屁之禍。可憐拖埋2佬同細細小吉落水，好彩有個電視比細細小吉睇，除出想飲奶時，無任何complain。其實此地址經過不下百次，但從未為意有此館存在。一直以為只是某老茶一間，真失禮。不過，是福是禍，見仁見智啦。都係果句，唔「好味」。又未到唔好味咁失敗，但當事人阿母親大人都有小小唔好意思的話，做子女的，識撈的。

睇番食評先知自己年幾前食過，原來咁耐無o黎過。宜家比以前平o左，又有1蚊推介，又有credit card優惠。又叫番我至愛的燻魚、擔擔麵個湯底比較杰又唔夠辣、糖醋排骨醬汁味道好，不過肥膏多、清炒西蘭花我落order時叫佢少油，上台時真係無咩油喎，雖然簡單但炒得好爽口。當然有叫1蚊小籠包，雖然買1蚊，但係絶不偷工減料。唔知點解翡翠成日有人排隊，其實佢唔差過翡翠，依度招呼仲好同一定有位。p.s.:個manager都幾好人，我o地食唔夠200蚊，本來無credit card 9折優惠，不過佢照俾我。

因為$1推廣, 所以去試一試, 估唔到晚飯都幾旺, 好多人都係睇到廣告來試下。$1有三樣: 小籠包(4 個), 回鍋肉, 雞絲粉皮。每檯可以叫兩樣, 我地叫了小籠包和回鍋肉, 兩樣都ok喎。另外叫了一位宋嫂魚, $22 材料都幾多, 味道都唔錯。烏筍海淅($48) 一般水準, 六月黃炒年榚($48), 有一隻蟹, size都唔細, 因為未合時, 雖然有羔, 不過就唔夠香, 但是加埋醬油毛豆同年榚都幾好味。最後的炸豆沙湯圓亦都唔錯, 埋單$172, 都算滿意的一餐。

d午市小菜幾好, 回鍋肉, 魚香茄子同蝦仁炒蛋都幾好食, 之不過d味太濃同太油(不過其實上海菜本質係咁0既~), 建議可以少油d~奶油津白都好食不過炒年糕就唔係咁好喇都好抵食, 食到好飽好飽都只係$38~

嘩~下午茶, 呢間超正呀~唔駛茶錢,唔駛加一, 仲有特價, 好抵食呀~~~~兩個人叫左一個雷沙湯圓, 小籠包, 生煎包, 水餃同一碟上海粗炒. 食到好鬼飽都係total $65 喳. 而且環境好靚~ good 呀~講真D雷沙湯圓真係一流呀~ 粗炒都好好, 唔油又多菜. 其他都好ok ga~去食下午茶really掂!!!!

新開唔算好耐，環境好光孟又乾淨。而服務好過頭，因為一見你隻碟有骨，就不停幫你換，都幾煩。食物方面唔錯，酸辣湯加有海參係裡面、燻魚炸得好脆、生煸馬蘭頭唔油有少少酒香味、小籠包咬落去真係有湯流出o黎、最後係碟鹹肉菜飯18蚊好大碟。