十侍 - 棉花糖A5和牛壽喜燒專門店

营业中

休息中

一早book定枱同男朋友慶祝生日，社交媒體網站信息餐廳話壽喜燒set包埋甜品，冇得寫名但係有生日牌同蠟燭提供，咁都OK啦。當日星期日lunch，坐得唔滿，二人可坐四人枱，同其他客人都有啲距離。一開始金髮男職員幫我哋落單、上菜、介紹同煮壽喜燒，服務好好，會問客人想要幾熟想煮，牛肉放邊個碗，同埋會介紹食法。同呢位職員嘅服務好滿意。和牛好正，配菜同烏冬都好食同埋好飽。最失望嘅係，當我哋仲食緊最後幾粒菇，另一位黑髮職員已經收枱，同埋上甜品（雲呢拿雪糕）。我哋都未食完，雪糕溶得好快，蠟燭又燒得好快，但係又搵唔到職員幫我哋影相，所以最後好趕咁喺蠟燭未燒完之前影咗幾張自拍就算。既然店舖品滿，唔知職員咁趕做咩呢？呢個真係生日慶祝嘅一大遺憾。