金裝燉奶佬餐廳 (大圍道) (已結業)

雖然叫「燉奶佬」，但呢間茶餐廳基本上同「燉奶」係完全冇關係既，全個menu可能只有唔多於3樣野有「燉奶」兩個字。可能因為門口個menu整到都幾翠華feel，感覺上好似好多野食同高尚D，亦相對令你覺得食物都幾抵食。由於位處大圍火車站對出既黃金地段，所以價錢方面唔可以叫做大眾化，現場所見亦都有好多專登入黎踩單車既生客。可能亦都因為咁，所以價錢定得高一D都冇所謂。不過即使係咁，都唔代表食物既質素可以求求其其！葡汁雞扒飯︰雞扒方面一般啦，始終係茶餐廳既質素唔可以要求太多。不過個葡汁就認真麻麻，似係用點沙爹串燒既花生醬開水整成再打個豆粉水落去就算，非常之「頹」。飯方面亦都硬得濟，唔知係落水份量唔夠定係米既質素太差，就算撈晒D汁諗住整腍佢都係硬到難以入口！黑椒牛扒拼天使麵︰老實講，以茶記既牛扒黎講可以做到咁既質素算係可以接受，最特別係侍應會問你「要幾成熟？」，真係非常搞笑，但係當我叫佢5成熟佢又真係做到半生熟！天使麵方面就好一般，都係D大路野冇乜野值得一提。總括黎講呢度只係非常一般，如果想食差唔多質素既野食但係又要平少少、野食大份D同埋好食D既話，我會suggest行多5分鐘去附近既「椰林閣」重好