Thai-ger (已搬遷) 新店位置

大大個狗狗logo又可以帶狗一齊食，不失為一個好選擇，一上電梯就望到呢間餐廳，不過舖位好細，座位不多。餐牌選擇好多，點左d比較大路既菜式。炸蝦餅配試甜酸醬，一定冇得輸。無骨鳳爪沙律，都有6，7隻鳳爪，紫洋蔥絲比較多，鮮甜少辣，唔差既開胃菜式。仲有豬頸肉，一樣係泰菜必食，比較乾身，所以我鍾意點埋醬汁食。大大個椰青，但本身餐台範圍好細，個椰青仲要再用碗裝住，好佔據位置，唯有快快飲完收走佢。青咖啡配薄餅夠香亦有椰味，雞肉嫩滑，薄餅新鮮炸起好酥脆，推薦。