今日就同班兄弟黎試新野，喺旺角大家都知兆萬成橦係食放題，今日搵緊個名勁啲嘅！
見到呢間極上帝王水產，心諗又極上，又帝王、又水產，講到咁把炮，就一於試呢間啦
一如其他放題啦，都係有好多款點餐紙，大家係咁點，又真係食得曬，立明都好食啦！
自黎啲小食，枝豆！
大家都食榴連，咁梗係叫返榴連炸彈食下啦
超級推薦喜歡食榴連嘅人點呢個榴連炸彈！
無得輸呀！佢入面嘅榴連肉係啖啖肉，好似真係食緊一舊榴連咁
食放題，有任飲是常識吧！飲品都係啲大路野，但令我印象深刻就係有充滿初戀感覺嘅陽光蜜瓜荳奶
之黎再黎泰式食物
呢個避風塘蝦，好香口，而且見到配料都好充足
仲有呢個芝士焗蝦，蝦肉唔「梅」，而且新鮮焗起，熱辣辣，好正
再黎就係呢個蟹腳湯，好足料，好多隻蟹腳，而且湯味濃，好飲
佢呢度除左有甜品，仲有雪糕，一種就係包埋嘅，而上圖呢啲就要加錢升級嘅
我地食完，仲係咁傾計.....臨走果陣，都已經有好多位lu
每人食左$230，然後捧住大肚腩走人
都真係幾抵！
