影片
更多
2009-01-15
21 浏览
見過開張當日有唔少明星到賀同傳媒報導，今日终於有機會同朋友去dap在灣仔新開的分店食晚飯同飲嘢，呢間新店無論裝修同食物嘅菜式都同尖沙咀完全唔同，餐廳用咗紅白兩色做主色，俾人好精神同摩登嘅感覺。呢間新店佔地兩層，先入去的一層係酒吧，沿住酒吧內置嘅樓梯，就可以去到位於上層嘅餐廳。今日自己早咗嚟到，於是就喺酒吧大廳飲住Happy Hour等朋友，standard drink買一送一，已經夠晒我飲，我order咗杯Mojito，味道好正，我個人推介下次嚟飲嘢嘅朋友要試試，bartender調教嘅cocktail水準好好，大家可以放心上嚟飲嘢。呢層酒吧除了大廳之外，另外設有一間貴賓房，可以容納到大約三十人，好啱d人用嚟開會或者攪function用，而且仲設有獨立洗手間，方便包房嘅朋友，去廁所唔駛出出入入。飲咗大約一個鐘，朋友終於都出現，可以上去開飯啦！聽佢哋嘅經理講呢度嘅菜色表面上好似係一般嘅西餐(主要係意大利菜)，但當中其實就加入咗一d日式的原素(食材或煮法)，令菜色增加了變化同更加有特色。於是我就叫經理介紹幾道菜俾我 :頭盤凱撒沙律伴溫泉蛋 ,白銀魚柳,巴銀魚柳,芝士 – 當溫泉蛋汁同其他配
今日自己早咗嚟到，於是就喺酒吧大廳飲住Happy Hour等朋友，standard drink買一送一，已經夠晒我飲，我order咗杯Mojito，味道好正，我個人推介下次嚟飲嘢嘅朋友要試試，bartender調教嘅cocktail水準好好，大家可以放心上嚟飲嘢。呢層酒吧除了大廳之外，另外設有一間貴賓房，可以容納到大約三十人，好啱d人用嚟開會或者攪function用，而且仲設有獨立洗手間，方便包房嘅朋友，去廁所唔駛出出入入。飲咗大約一個鐘，朋友終於都出現，可以上去開飯啦！
聽佢哋嘅經理講呢度嘅菜色表面上好似係一般嘅西餐(主要係意大利菜)，但當中其實就加入咗一d日式的原素(食材或煮法)，令菜色增加了變化同更加有特色。
於是我就叫經理介紹幾道菜俾我 :
頭盤
凱撒沙律伴溫泉蛋 ,白銀魚柳,巴銀魚柳,芝士 – 當溫泉蛋汁同其他配料混入了當中的新鮮蔬菜後，味道比一般坊間的凱撒沙律感覺濃郁，而且賣相亦靚同特別。
生煎吞拿魚伴日本蘿蔔及凍蕃茄汁 – 吞拿魚外層輕輕煎熟少許，伴上一片片被切成紙一樣薄的日本蘿蔔片，再配上凍蕃茄汁，味道清新。
主菜
日本和羊伴煙茄子醬及青麵豉 – 特別之處就係羊肉用了slow cook的煮法，令羊肉保持鮮嫩，又不失本身的肉味，配上荷蘭空運到港煙焗而成的茄子，真係香噴噴。
意粉
日本照燒鴨肉意大利飯伴啤梨 – 比一般意大利飯冇咁漏，因為用上了日本的照燒汁，冇咁creamy，而且飯的硬度控制得好好，幾啱香港人的口味。
因為我同朋友都唔太肚餓，所以今次冇試甜品，下試再試吧！總括來講，食物有創意同水準，但又唔會胡亂配搭，裝修環境又舒適，仲可以享受到一站式嘅娛樂服務，相當唔錯。最後，真係要多謝經理介紹了幾道好味嘅菜色俾我哋。
P.S. : 佢哋連bar snack都好特別，我見到有人用一個馬天尼杯食緊麵，經理話個snack叫吞拿魚喬麥麵，份量就只係得一個馬天尼杯咁大，唔會好飽肚的，所以只可以話係bar snack。
张贴