Applegreen (已結業)

六月八日去過 Apple Green 食午餐。午餐有套餐 menu。平均佰零蚊有湯，有飽，有主菜同埋餐飲。環境唔錯。光猛又乾淨。枱與枱之間唔太窄。我order 咗牛柳，要七成熟。但送上嘅牛柳係 Well done。好唔開心。同職員反影咗意見，希望佢哋會改善。七月十六日再去Apple Green，不過今次食晚餐。原來晚餐冇套餐 menu，要散叫。價錢都幾貴。叫咗一個大份沙拉同埋一個十二安士牛扒。吸取上次經驗，今次叫五成熟。沙拉跟香蕉蛋糕一件。香蕉蛋糕好好味，沙拉好夠份量。味道調較得好好。牛扒出場喇！一刀切落去？？？唔係呱！我叫五成熟，但送上嘅牛扒係接近九成熟。究竟廚師嘅準則係點量度呢？不過我唔需要考究喇。因為我已經決定唔會再光顧此餐廳喇。