漢堡王 (已結業)

之前睇話呢間係山頂營運既特許經營店，所以咁岩係附近就黎買個外賣試下係咪一樣😎買連埋等都接近等左15分鐘，以快餐店黎講有d耐，主因應該未夠熟手？呢個set $64，加大既話比多5蚊，圖為無加大。粗薯完全無失準：薯味夠濃，最重要就係塞得滿，唔係中間食空氣。到重點啦，點解拆出黎散到咁既😑材料質素普遍可以，bacon配上burger已經唔係第一日先知既組合黎，我對漢堡扒要求唔多，唔係乾爭爭就得，所以已經收貨。而芝士因為唔夠熱既關係，焗左咁耐都未完全溶得哂。但我唔係點接受到漏汁呢一個問題，當然可以理解成我買外賣，所以焗熟左d蕃茄，但我食果陣基本上係暖唔熱的，我唔認為10分鐘會搞到咁。以前番工砌burger，蕃茄我都要自己切埋，咁果時教落切蕃茄都有門學問，若果切得親d汁就會漏哂出黎，呢個burger既問題正正就係呢一樣野：漏出黎既係蕃茄水黎。所以，就憑呢點，我比唔到好評。