Rasoi 傳統印度菜 (已結業)

今日去探大角咀妹妹同狗仔，本來想食漢堡包，佢就話食過唔去了，於是帶左我去indian food餐廳食下咁話喎，呢間都唔帶搵，但平時行過又唔覺眼，好彩有佢帶路炸。先黎free前菜，脆薄餅加三隻傳統醬料，喜歡薄荷的清新，辣茄醬的微辛，薄餅本身有咸味，調味加少少就夠。馬拉沙嗲68個酸煮到幾惹味，串燒一客有六串，圍起都抵食。雞肉好香口，沙嗲又好正，肉質夠嫩滑，有驚喜又好有份量。炸乳酪蔬菜涵餅48熱辣辣上桌，炸得好脆但又唔油，一共有八塊，係第度未試過，今天首嚐，乳酪足但不濃，滿佈indian陣陣香料味，幾特別，涵料幾正。牛油雞78去indian餐廳，我必叫呢樣，貪佢可以用烤餅沾食好過癮，呢度個份量叫正常，價錢同港島嗰邊無分別，咖哩味夠，雞又入味，香料恰好，好驚食到太多咖哩粉既細末的嗆喉感，呢個好滑，完全唔會。個汁好足，多沾兩份的烤餅喇。芝士烤餅28唔夠熱辣，芝士味香香地但味道偏淡，可能係因為烤餅本來就要淡，用黎點汁食嘛。餅普通鬆軟，可以更好。食後感：整體感覺幾正宗，坐得亦舒服。成晚咖哩雞最掂，推。