Espuma (H8) (已易手) 新餐厅

想同女朋友試Espuma好耐，見今日同女朋友一齊係尖沙咀收工就決定去試。好彩我地去到都算早唔洗等已經有位，到我地埋單走見到已經勁多人係門口等緊位😱成日聽朋友講佢地既黑松露薯條好正，咁我本身又中意黑松露又中意食薯條，咁緊係要試啦。除左黑松露薯條我地仲叫左蟹肉蘆筍蛋餅同埋黑松露醬炒鮮什菌寬條麵同兩杯Flat White。杯Flat White側邊好貼心有塊曲奇比你配咖啡。個薯條一黎到，我嚇親，因為無諗過會咁多絕對可以3-4個人分享加上個黑松露醬好濃，一啲都唔似出面其他餐廳咁會加好多沙津醬落去，個薯條雖然幼身但食落唔會似空氣，好味到我食唔停。之後就到個蟹肉蘆筍蛋餅，啖啖都蟹肉配上蘆筍，好清新既感覺。最最最期待既黑松露醬炒鮮什菌闊條麵！讚！！通常整黑松露意粉都會用幼身既意大利麵，因為貪佢夠幼身唔洗好濃既醬汁就已經足夠佢入味，但哩到係用我超中意食既闊條麵，仲以為佢會唔夠味但原來我錯哂，佢夠味仲要好濃，每一口都係黑松露味。推介！！其實本身仲想叫埋流心軟芝士麻糬厚鬆餅，但因為佢地野食既份量真心多最後都係食唔落，好可惜不過唔緊要下次再黎一定會留肚試試佢。