薯仔屋 (已結業)

同同事係銅鑼灣做完野，見早又唔想返屋企，有人介紹去間上樓cafe。上到黎超多野玩😁有飛標機、有得打wii 又有足球機有月光寶盒玩仲有好多card games.不過我依d老人家都係鍾意食多d😋先黎芝士蒜蓉包，包脆、蒜蓉香，再加上溶溶地既芝士更加美味。再黎凱撒沙律，脆口既蔬菜，加上脆口既麵包粒，仲有又香又脆既煙肉粒，脆呀！再叫左份醬燒豬仔全骨，因為拎過食神爭霸戰金獎，所以試下。個豬仔骨用左BBQ 醬調味，一上枱已經聞到好香！食落去都幾多肉，而且肉嫩又唔乾😋仲有隔離既肉醬芝士薯條，薯條香脆，再加芝士溶和肉醬，簡直係黃金配搭😋佢地既蜜汁雞翼，岩晒女仔食，因為勁多蜜糖😘同事揀既茄汁磨菇煙肉意粉，料多又入味，意粉加左牛油更多香😊甜品有芝士蛋糕和泡芙，泡芙雪得夠凍，d cream 好似雪糕咁再用泡芙包住，yummy😋我叫左杯粉紅佳人，係果汁黎既，有士多啤梨、蜜桃、蜜糖。杯果汁好健康，甜甜地，帶微微既士多啤梨酸，又開胃，好refresh😁