日本野 (已結業)

三文魚藜麥沙律三文魚同埋藜麥都好新鮮而食落口感味道都一流!沙律菜本身都好多所以呢個前菜絕對抵食，兩個人食岩岩好!雞肉大阪燒見到好多人都叫呢個，大阪燒已經切好4份，椰菜超多而且雞肉亦都舖滿大阪燒，加上醬汁同埋香脆表皮，拍得住專食大阪燒既舖!吉列霜降牛小排呢個就係今次嚟既原因，因為呢到既吉列牛價錢唔貴而且份量多，最重要係肉質非常嫩滑而牛味突出。今次亦都一樣，雖然未去到入口即溶但以呢個價錢真係超值! 兩邊燒多1分鐘就食得，配埋飯同埋湯，相信隔一排又會想再嚟食!梳乎里班戟配雪糕梳乎里班戟比較軟淋唔會企身既個款，有少少似綿花糖既口感，幾特別而且蛋味都濃郁!