影片
更多
2016-06-29
10657 浏览
因為星期日要番工，覺得要對自己好d，就決定放左工約埋家姐去食放題，研究過旺角一帶，覺得番本日式放題近之餘食物又唔差，於是決定去試下，好食就再帶埋屋企人去。差唔多7點15分去到，見到有人等緊枱，本身仲以為有排等，點知5分鐘唔洗就入到去，因為全層都係佢地嘅，所以餐廳好大，枱太多嘅關係條路有少少窄，不過行嘅時間小心d就無問題。一坐低第一時間睇meun剔野食，選擇都算多，有熱食拉麵燒物天婦羅等等，飲品甜品雪糕自取，飲品有汽水，果汁，茶，仲有忌廉溝鮮奶飲。食放題最重要嘅就梗係刺身啦，見到佢每一盤刺身都會有大量嘅碎冰墊係底，送到上你都係keep住冰凍新鮮之餘，仲唔會因為暴露左係室溫太耐，而令到魚生冇咁新鮮。我哋叫咗啲自己比較鍾意食嘅刺身，當然唔少得三文魚啦，魚肉嘅顏色好有光澤，而且魚肉上面嘅紋路都好清晰，厚切嘅魚肉食起上嚟更加有口感，覺得魚肉好肥美鮮甜，感覺有好豐富嘅魚油味。白肉拖羅刺身，第一次食味道唔錯，肉質係比其他魚肉較軟。甜蝦刺身，蝦比一般食過嘅都要大隻，蝦肉嘅味道好鮮甜。北海道帶子刺身，望落好新鮮喙好大粒，帶子口感嫩軟又有彈性。赤貝刺身肉質爽口，赤貝本身味道就比較淡，所以食之前一定要飲啖茶
一坐低第一時間睇meun剔野食，選擇都算多，有熱食拉麵燒物天婦羅等等，飲品甜品雪糕自取，飲品有汽水，果汁，茶，仲有忌廉溝鮮奶飲。
食放題最重要嘅就梗係刺身啦，見到佢每一盤刺身都會有大量嘅碎冰墊係底，送到上你都係keep住冰凍新鮮之餘，仲唔會因為暴露左係室溫太耐，而令到魚生冇咁新鮮。我哋叫咗啲自己比較鍾意食嘅刺身，當然唔少得三文魚啦，魚肉嘅顏色好有光澤，而且魚肉上面嘅紋路都好清晰，厚切嘅魚肉食起上嚟更加有口感，覺得魚肉好肥美鮮甜，感覺有好豐富嘅魚油味。白肉拖羅刺身，第一次食味道唔錯，肉質係比其他魚肉較軟。甜蝦刺身，蝦比一般食過嘅都要大隻，蝦肉嘅味道好鮮甜。北海道帶子刺身，望落好新鮮喙好大粒，帶子口感嫩軟又有彈性。赤貝刺身肉質爽口，赤貝本身味道就比較淡，所以食之前一定要飲啖茶清下口腔其他味道，唔係會食唔出赤貝嘅味道。鹽燒牛舌
好有水準，香味撲鼻，牛舌嘅肉質好有彈性，唔會燒到乾哂，有肉汁。
芝士蟹子燒帆立貝送到上泥個時芝士仲滾緊，可以新鮮滾熱辣咁食，肉眼已經見到好多芝士，帆立貝嘅size可以接受，而且肉質軟，唔會燒到乾。
北海燒蠔
芝士配上沙律醬香味好重，而且味道意外地配，燒蠔嘅火喉控制得好，岩岩熟。
海鰻芝士卷
鰻魚同芝士味道意外地配，而且芝士唔會太搶味。
和風牛肉粒煎得好香，而且唔肥，牛肉嫩同淋。
香蔥海膽碎吞拿魚壽司細細粒嘅壽司可以一口食哂，上面嘅海膽對比起壽司嘅size算多，食嘅時候海膽嘅味道遍佈哂全個口腔，而且以係放題食到嘅海膽泥講唔差。
胡麻豆腐豆腐好滑，胡麻汁酸酸地，味道好夾好開胃。
一口芝士豆腐+日式芝士年糕+炸雞軟骨粒芝士豆腐入面嘅芝士會流出泥，而芝士年糕好軟同煙韌，味道都好香，雖然份量小，但因為比較飽肚，所以細細舊已經好夠。炸雞軟骨粒細細粒咁，煎到金黃色而且好香，夾下夾下好快就食哂一碗。
呢到雖然好多客人，但係員工手腳快，所以佢上菜都好快，落完order幾分鐘就送到，張枱任何時候都係充滿住野食，而且員工嘅服務態度都好親切友善，會主動過嚟幫你執枱同埋添茶，感覺上佢哋好主動留意身邊嘅顧客。
张贴
