大滿喜日本料理 (已結業)

朋友相約慶祝生日， 想想下，不如食日本放題。盡情大吃一餐。香港有好幾間日本放題， 我今次就選咗旺角大滿屋，貪交通方便，有地鐵，又有巴士。一入餐廳，侍應便安排我們入坐卡位。畀我哋兩個人，坐得舒舒服服，我非常滿意。一座低，就緊係叫我哋最鐘意嘅就魚生同埋最喜愛嘅壽司啦！雖然壽司細細件，但非常精緻。而且正正因為細細件，可以試多個不同款式。至於魚生方面，我就最喜歡食象拔蚌。話明放題，又點會食咁少呀！我哋仲叫咗一啲燒物:菠蘿、牛舌、雞翼、羊架、蝦。我覺得雞翼唔錯。可以試下。食到差唔多飽。係時候出去，睇下有咩熟食。出乎意料，見到有青口、蝦、魚翅、烏雞湯、韓國泡菜……。飲品方面，想都無想過，會有日本清酒。有意外驚喜，太滿足啦！